Content de lai

Shada Da Tsawra Yang N Hkungran Ai Sha Arau Mai Nga Ai Kun?

Shada Da Tsawra Yang N Hkungran Ai Sha Arau Mai Nga Ai Kun?

Chyum Laika Mahtai

Chyum Laika hta “num shaw la shaw ai ni hpe, Karai Kasang tara dara na” nga nna tsun da ai. (Hebre 13:4) “Num shaw la shaw” ngu ai Greek ga si por·neiʹa, a lachyum hta n hkungran da ai sha, arau nga sha ai lam lawm ai. Dai majaw, hpang hta hkungran na matu yaw shada lam nga yang pyi, tara shang n hkungran ai sha, arau nga ai yanla hpe Karai Kasang hkap la na n re.

Shada da grai tsawra hkat nga yang gaw gara hku kun? Hkungran ngut yang she arau yup na matu, Karai Kasang matsun da ai. Tsawra chye ai myit anhte hta nga hkra bang da ya ai gaw Karai Kasang re. Karai Kasang a madung atsam ningja mung tsawra myit re. (1 Yawhan 4:8) Dai majaw, tara shang hkungran da ai yanla ni sha, arau yup na ahkang nga ai ngu Karai Kasang matsun da ai gaw, yaw shada lam nga ai majaw re.