Content de lai

Akyu Hpyi Yang Karai Kasang Karum Ya Na Kun?

Akyu Hpyi Yang Karai Kasang Karum Ya Na Kun?

Chyum Laika Mahtai

Karai Kasang myit ra ai hte maren, dingman ai myit hte akyu hpyi ai rai yang, Karai Kasang karum ya na re. Kalang mung akyu n hpyi ga yang gara hku kun? “Karai Kasang Yehowa e, ngai hpe karum Ia” rit ngu nna, akyu hpyi wa ai Chyum Laika kaw na masha ni a kasi ni gaw, nang hpe akyu hpyi na matu n-gun jaw na re. Ga shadawn:

  • Nye a Karai Kasang Yehowa e, ngai hpe karum Ia e, Na a chyeju hte maren, ngai hpe hkye Ia e.”​—⁠Shakawn 109:26.

  • Yehowa e, madat mara ya nna, ngai hpe matsan dum Ia e.”​—⁠Shakawn 30:10.

Dai ga ni hpe ka ai wa gaw, Karai Kasang hpe grai kamsham ai wa rai na gaw teng sha re. Raitim, Karai Kasang gaw “myit maku daw ai ni” shing nrai, “Wenyi htum ai ni [myit daw ai ni]” zawn, dingman ai myit nga ai ni yawng a akyu hpyi ga hpe madat ya ai.​—⁠Shakawn 34:18.

Karai Kasang gaw anhte hte grai tsan ai, anhte a manghkang ni hpe sadi hkrup na n re ngu nna hkum shadu. Chyum Laika hta ndai hku tsun da ai: “Yehowa gaw tsaw htum nga ti mung, Myit gyip ai ni hpe mada yu nga ai; Gumrawng ai ni hpe chyawm gaw, Shi tsan tsan kaw nna chye da mu ai.” (Shakawn 138:6) Kalang mi hta, sape ni hpe Yesu ndai hku tsun wa ai: “Nanhte a baw na kara singgawng mahkra hpe mung, hti da nu ai.” (Mahte 10:30) Nang n sadi hkrup ai lam ni hpe pyi, Karai Kasang ahkri ahkrai chye ai rai yang, na a myit ru myit tsang lam ni hpe akyu hpyi nna tsun dan yang, grau nna madat ya na re.​—⁠1 Petru 5:7.