Ṛuḥ ɣer wayen yellan deg-s

Lemḥayen ad kfunt yiwen wass?

Lemḥayen ad kfunt yiwen wass?

Σlaḥsab-ik...

  • ih?

  • ala?

  • ahat?

 AYEN I D-IQQAR WEDLIS IQEDSEN

“Ṛebbi [...] a sen-yesfeḍ imeṭṭawen, ur teţţili lmut, ur yeţţili leḥzen, ur yeţţili umeǧǧed ur yeţţili lqeṛḥ.”—Aweḥḥi 21:3, 4, Awal n tudert, 2001.

AYEN ARA K-D-ISSIS WAYAGI

Aţ-ţḍemneḍ belli mačči d Ṛebbi i d ssebba n iɣeblan-ik.—Yeεqub 1:13.

Aţ-ţeţţuṣebbreḍ axaṭer aţ-ţeẓreḍ belli Ṛebbi iḥezzen m’ara tetmeḥḥneḍ.—Zaxarya 2:12, Tira Iqedsen, EEO 2010.

Aţ-ţesεuḍ asirem iṣeḥḥan belli lemḥayen meṛṛa ad ţwikksent.—Ahellil 37:9-11.

 NEZMER A NAMEN S WAYEN I D-IQQAR WEDLIS IQEDSEN?

Ih. Atentah kra n ssebbat:

  • Ṛebbi ikṛeh lemḥayen d lbaṭel. Wali d acu i gḥuss Yahwa Ṛebbi m’akken i geţwaqher zik cceεb-is. Σlaḥsab n Wedlis Iqedsen, ɣaḍen-t “seg unazeε nni i ţnazaεen seg widak nni i ten-iţqehhiren.”—Inezzurfa 2:18, EEO 2010.

    Ṛebbi ur iqebbel ara wid ixeddmen cceṛ i wiyaḍ. Di lemtel, Adlis Iqedsen yenna-d belli yekṛeh “ifassen yessazzalen idammen n wid ur neḍlim ara.”—Lemtul 6:16, 17.

  • Ṛebbi iţḥebbiṛ ɣef mkul yiwen deg-neɣ. Yal amdan yeẓra “tiyita” yellan “deg wul-is”; ula d Yahwa yeẓra-ţ!—2 Amezruy 6:29, 30.

    Yahwa qrib ad imḥu, s Tgelda-s, lemḥayen n mkul yiwen. (Matta 6:9, 10) Si leεḍil, la yeţṣebbir s leḥnana kra n win i t-iţnadin s ṣṣfa n wul.—Lecɣal 17:27; 2 Ikurintiyen 1:3, 4.

 XEMMEM ΓEF WAYA

Acuɣer i gεemmed Ṛebbi i lemḥayen?

Adlis Iqedsen yeţţarra-d lǧawab i westeqsi-yagi deg IṚUMANIYEN 5:12 akk-d 2 BUṬRUS 3:9.