Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Inagan n Yahwa

Taqbaylit

Anwa i gḥekmen ddunit?

Anwa i gḥekmen ddunit?

Σlaḥsab-ik, d...

  • Ṛebbi?

  • amdan?

  • albeεḍ nniḍen?

 AYEN I D-IQQAR WEDLIS IQEDSEN

“Ddunit akk tella deg ufus n Cciṭan.”—1 Yuḥenna 5:19, Lâqed’ ajed’id’ n-Sidna-Aisa el-Masih’

“Γef ddemma n wayagi i d-yusa [Σisa] iwakken ad yessenger lecɣal n Cciṭan.”—1 Yuḥenna 3:8, Awal n tudert, 2001.

AYEN ARA K-D-ISSIS WAYAGI

Aţ-ţfehmeḍ s ṣṣwab ssebba n cceddat yellan di ddunit.—Aweḥḥi 12:12.

Aţ-ţafeḍ ssebba swayes ara tamneḍ belli ddunit aţ-ţwenneε.—1 Yuḥenna 2:17.

 NEZMER A NAMEN S WAYEN I D-IQQAR WEDLIS IQEDSEN?

Ih. Atentah kra n ssebbat:

  • Leḥkem n Cciṭan ad yeɣli. Yahwa Ṛebbi yeqsed ad yemḥu leḥkem n Cciṭan Iblis ɣef lεibad. Iwεed belli “ad ikkes [...] Cciṭan” yerna ad iseggem ayen akk i gessexseṛ.—Iεebṛaniyen 2:14, Tira Iqedsen, EEO 2010.

  • Ṛebbi yextaṛ Σisa akken ad yeḥkem ɣef ddunit. Σisa yemxallaf nezzeh ɣef lḥakem-agi uqsiḥ yeṭṭfen ddunit ass-a, i geţxemmimen kan ɣef yiman-is. Ṛebbi iwεed belli agellid Σisa “ad iḥunn ɣef uẓawali d umeεlal [...]; a d-ifdu tiṛwiḥin-nsen si tḥila d lbaṭel.”—Ahellil 72:13, 14, Awal n tudert.

  • Ṛebbi ur yezmir ara ad iskiddeb. Adlis Iqedsen yeqqar-ed: “Ur izmir ara Ṛebbi ad iskiddeb.” (Iεebṛaniyen 6:18, Lâqed’ ajed’id’ n-Sidna-Aisa el-Masih’) M’ara d-yewεed kra Yahwa, amzun yeḍra! (Icεaya 55:10, 11) “Sselṭan n ddunit agi ad iţwaḍegger ɣer beṛṛa.”—Yuḥenna 12:31, Tira Iqedsen, EEO 2010.

 XEMMEM ΓEF WAYA

Γer wacu ara tcabi ddunit asm’ara yeţwikkes win i ţ-iḥekmen ass-a?

Adlis Iqedsen yeţţarra-d lǧawab i westeqsi-yagi deg UHELLIL 37:10, 11 akk-d UWEḤḤI 21:3, 4.