Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Tezmer aţ-ţili twacult ţ-ţaseεdit

 AḤRIC WIS 9

Σbed Yahwa kečč ţ-ţwacult-ik

Σbed Yahwa kečč ţ-ţwacult-ik

“Seǧǧdet zdat n win ixedmen igenni [akk-d] lqaεa.”Aweḥḥi 14:7

Am wakken i t-id-tlemdeḍ di treẓẓit-agi, llan waṭas n imenzayen deg Wedlis Iqedsen ara k-iεiwnen kečč ţ-ţwacult-ik. Yahwa yebɣa-yak sseεd. Iwεed-ed belli, ma yella tefkiḍ amkan amezwaru i leεbada-ines, ayen nniḍen meṛṛa “a [k]-d-iţţunefk sufella.” (Matta 6:33) Yebɣa s ṣṣeḥ aţ-ţiliḍ d aḥbib-is. Ihi, xdem ayen akk iwumi i tzemreḍ akken aţ-ţesseǧhdeḍ tadukli-inek yid-es. Tagi d lemzeyya tameqrant akk i gzemren a ɣ-d-teţţunefk.—Matta 22:37, 38.

 1 SSEǦHED LΣALAQA I TESΣIḌ D YAHWA

AYEN I D-IQQAR WEDLIS IQEDSEN: “‘A wen-iliɣ d ababat, kwenwi a yi-tilim d arrac akw-d tullas’, i d-inna [Yahwa].” (2 Ikurintiyen 6:18) Ṛebbi yebɣa aţ-ţiliḍ d aḥbib-is i t-iqerben mliḥ. Taẓallit d ţţawil swayes ara tawḍeḍ ɣer waya. Yenna-yaɣ-d: “Ţẓallat mebla aḥbas.” (1 Itisalunikiyen 5:17) Yeţṛaǧu kan a s-teldiḍ ul-ik w’a s-tiniḍ d acu i k-iceɣben. (Ifilibiyen 4:6) Ma teţẓallaḍ d iεeggalen n twacult-ik, ad walin belli, ɣur-ek, Ṛebbi d Win yellan s ṣṣeḥ.

Yelha a s-theddṛeḍ i Ṛebbi, lameεna yelha daɣen a s-teţḥessiseḍ. Amek? Ma teqqareḍ Awal-is akk-d tektabin ireṣṣan ɣef Wedlis Iqedsen yerna teţnadiḍ deg-sen. (Ahellil 1:1, 2) Ţmeyyiz ɣef wayen i tlemmdeḍ. (Ahellil 77:12, 13) Yerna, bac aţ-ţḥesseḍ i Ṛebbi, ilaq-ak daɣen aţ-ţḥeddṛeḍ daymen i inejmuεen imasiḥiyen.—Ahellil 122:1-4.

Ţţawil nniḍen yesεan azal is ara tesseǧhdeḍ lεalaqa-inek d Yahwa, d lhedṛa ara theddṛeḍ fell-as i wiyaḍ. D ṣṣeḥ, skud theddṛeḍ fell-as, skud teţḥussuḍ belli tqerbeḍ ɣur-es. —Matta 28:19, 20.

AYEN I TZEMREḌ AŢ-ŢXEDMEḌ:

  • Σezzel-ed kul ass i yiman-ik lweqt akken aţ-ţeqqareḍ Adlis Iqedsen w’aţ-ţeţẓallaḍ

  • Di twacult-ik, ţţak amkan amezwaru i leḥwayeǧ n ṛṛuḥ uqbel zzhu akk-d umerreḥ

2 FṚEḤ S LEΣBADA N TWACULT-IK

AYEN I D-IQQAR WEDLIS IQEDSEN: “Qerrbet ɣer Yillu, a d-iqerreb ɣur-wen.” (Yeεqub 4:8) Ilaq-ak aţ-ţesεuḍ yiwen n wahil (lbeṛnameǧ) i leεbada n twacult * w’aţ-ţtebεeḍ ahil-agi. (Laṣel n ddunit 18:19) Meεna, ayagi drus. Ilaq ad yeţţili Ṛebbi kul ass di tudert-ik. Bac aţ-ţesseǧhdeḍ lεalaqat n iεeggalen n twacult-ik akk-d Ṛebbi, heddeṛ fell-as “m’ara tiliḍ deg wexxam-ik, m’ara tleḥḥuḍ deg webrid, m’ara teṭṭṣeḍ akw-d m’ara tekkreḍ.” (Asmekti 6:6, 7) Ṭṭef leqrar am Yacuεa i d-yennan: “Nekk akw-d wexxam-iw, an-neεbed [Yahwa].”—Yacuεa 24:15.

AYEN I TZEMREḌ AŢ-ŢXEDMEḌ:

  • Ilaq-ak aţ-ţesεuḍ ahil n wayen ara teɣreḍ kečč ţ-ţwacult-ik εlaḥsab n lmeḥwiǧat n mkul yiwen deg-wen

^ § 13 Iεeggalen n yal tawacult n Inagan n Yahwa εezzlen-d cwiṭ n lweqt di smana bac ad εebden Yahwa lwaḥid. Ţqeṣṣiren ɣef leḥwayeǧ n ṛṛuḥ di talwit akk-d ṛṛaḥa.