Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Sselmdet arraw-​nwen

 TIMEΓRI 14

Tagelda ara iḥekmen ɣef lqaεa meṛṛa

Tagelda ara iḥekmen ɣef lqaεa meṛṛa

Teẓriḍ anta Tagelda (lḥukuma) iɣef ara d-​nehdeṛ?— Ih, ţ-​ţagelda n Ṛebbi, tin ara yerren lqaεa d lǧennet. Tebɣiḍ aţ-​ţissineḍ akteṛ n leḥwayeǧ ɣef Tgelda-​yagi?—

Tigeldiwin meṛṛa sεant agellid (sselṭan). Agellid, d win i gḥekmen ɣef lɣaci n tmurt-​is. Teẓriḍ anwa i d Agellid n Tgelda n Ṛebbi?— D Σisa Lmasiḥ. Yeţεic deg igenni. Ur iţεeṭṭil ara ad yuɣal d Agellid ɣef lεibad meṛṛa n lqaεa! Ar ɣur-​ek, a nefṛeḥ asm’ara yeḥkem Σisa ɣef lqaεa meṛṛa?—

Ayɣer i tuyseḍ (tɣeṣbeḍ) aţ-​ţiliḍ di Lǧennet?

A nefṛeḥ mliḥ! Di Lǧennet, lεibad ur ţεawaden ara ad nnaɣen neɣ ad xedmen lgirra. Ad myeḥmalen meṛṛa. Yiwen ur ihellek, yiwen ur iţmeţţat. Iderɣalen ad ţwalin, iεeẓẓugen ad sellen. Wid ur nezmir ara ass-​a ad lḥun ad uɣalen ad ţţazzalen w’ad ţneggizen. Lεibad akken ma llan ad sεun ayen ara ččen yerna s waṭas. Lḥiwan ad ilin di lehna ama wway gar-​asen ama yid-​neɣ. Lεibad i gemmuten a d-​kkren. Ad ilin gar-​asen kra seg wid iɣef i d-​nehdeṛ di tektabt-​agi, am Ribka, Raḥab, Dawed akk-​d Ilya!  Tebɣiḍ a ten-​tissineḍ asm’ara d-​kkren si lmut?—

Yahwa iḥemmel-​ik, yebɣa aţ-​ţiliḍ tfeṛḥeḍ. Ma yella teţkemmileḍ teţnadiḍ a t-​tissineḍ yerna teţţaɣeḍ-​as awal, tzemreḍ aţ-​ţεiceḍ i dima deg yiwet lǧennet icebḥen mliḥ! Tebɣiḍ annect-​a?—