Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Sselmdet arraw-​nwen

 TIMEΓRI 7

Teţḥussuḍ tikwal amzun weḥd-​ek i telliḍ yerna tugadeḍ?

Teţḥussuḍ tikwal amzun weḥd-​ek i telliḍ yerna tugadeḍ?

Muqel aqcic-​agi amecṭuḥ di ţţeswiṛa. A s-​tiniḍ yeţḥussu iman-​is weḥd-​es i gella yerna yugad, neɣ ala? Yella wasmi i tḥusseḍ iman-​ik akka, am neţţa?— Annect-​a yezmer a d-​iḍru i mkul yiwen deg-​neɣ. Adlis Iqedsen ihdeṛ-​ed ɣef kra n yeḥbiben n Yahwa i gḥussen iman-​nsen amzun weḥḥed-​sen i llan, yerna ugaden. Yiwen seg-​sen isem-​is Ilya. Eyya-​d a t-​nissin.

Izabal tebɣa aţ-​ţneɣ Ilya.

Ilya yella yezdeɣ di tmurt n Isṛayil xilla n iseggasen aya, aṭas n lweqt uqbel a d-​ilal Σisa. Agellid (sselṭan) n Isṛayil, umi qqaren Aḥab, ur yelli ara yeţţamen s Ṛebbi n ṣṣeḥ, Yahwa. Tameṭṭut n Aḥab isem-​is Izabal. Llan di sin ţţamnen s yiwen uṛebbit n lekdeb iţţusemman Baεal. Ihi, amur ameqran n lεibad n wat Isṛayil uɣalen ţţamnen s Baεal, am nutni. Tagelliṭ (taselṭant) Izabal tella ţ-​ţamcumt; tebɣa  aţ-​ţneɣ wid meṛṛa yeţţamnen s Yahwa, ula d Ilya! Teẓriḍ d acu i gexdem Ilya?—

Ilya yerwel! Iṛuḥ mebεid armi d ṣṣeḥra, yeffer deg yiwen n lɣar. Acu i tenniḍ, ayɣer i gexdem akka?— Ih, yella yugad. Meεna, ulac ssebba ɣef wacu ara yagad. Ayɣer? Axaṭer yeẓra belli Yahwa yezmer a t-​iεiwen. Yahwa issken-​as-​d uqbel acḥal i geǧhed. Yiwet n tikkelt, yerra-​yas-​d leǧwab ɣef tẓallit-​is s yiwet n tmes i d-​iceggeε seg igenni. Ihi d ṣṣeḥ, Yahwa yezmer a t-​iεiwen!

Amek i gεawen Yahwa Ilya?

M’akken yella Ilya di lɣar-​nni, Yahwa yenna-​yas-​d: “Acu i txeddmeḍ dagi?” Ilya yerra-​yas: “Ḥaca nekk i mazal ţţamneɣ yis-​ek. Aql-​i weḥd-​i, yerna ugadeɣ ad iyi-​nɣen.” Ilya yenwa (iɣil) belli wid akk nniḍen i geţţamnen s Yahwa nɣan-​ten. Meεna, Yahwa yenna-​yas-​d: “Ala, d lekdeb. Llan 7 000 n lεibad nniḍen i mazal ţţamnen yis-​i. Ur ţţagad! Mazal sεiɣ lxedma ara k-​d-​fkeɣ!” Σlaḥsab-​ik, Ilya yefṛeḥ mi gesla i wannect-​a?—

Acu i d-​tḥefḍeḍ si teqsiṭ-​agi n Ilya?— Taqsiṭ-​agi tesseḥfeḍ-​ak belli ulac akk ssebba ɣef wacu ara tḥusseḍ iman-​ik weḥd-​ek i telliḍ neɣ ɣef wacu ara tagadeḍ. Tesεiḍ imdukkal i gḥemmlen Yahwa yerna i k-​iḥemmlen ula d kečč. Uyerna, Yahwa yeǧhed mliḥ, a k-​iţεawan dima! Tfeṛḥeḍ imi teẓriḍ belli mačči weḥd-​ek i telliḍ?—