Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Adlis Iqedsen—Lexbaṛ yellan deg-s

 AḤRIC WIS 24

Tibṛatin n Bulus

Tibṛatin n Bulus

Bulus yura tibṛatin i imasiḥiyen imezwura akken a ten-iṣebber

AMEK ara yesseḍru Yahwa lmeqsud-is? Yiwen n ţţawil ameqran ara yessexdem ţ-ţajmaεt tamasiḥit tajdiṭ. Meεna, ur tεeṭṭel ara teţţwet, ama si zdaxel ama si beṛṛa. Imasiḥiyen n lqern amezwaru ad qqimen d unṣiḥen ɣer Ṛebbi ɣas ma ţmagaren aqhar akk-d iɣeblan i d-yekkan si zdaxel n tejmaεt? D 21 n tebṛatin n Tira tiyunaniyin timasiḥiyin i sen-yefkan lǧehd d lewṣayat i ḥwaǧen.

Amceggeε Bulus yura 14 si tebṛatin-agi: seg wat Ṛuma alamma d Iεebṛaniyen. Ismawen i sent-iţţunefken d ismawen n wid iwumi i ţţuceggεent, tikwal d yiwen umasiḥi, tikwal d yiwet tejmaεt. Atnan kra n lumuṛ iɣef i sen-yehdeṛ Bulus:

Ṣṣfawa akk-d tikli. Wid i xeddmen zzna, wid i xeddεen wid ukud zewǧen akk-d wid i xeddmen ddnubat nniḍen imeqranen “ur seεεun ara amkan di tgelda n Sidi Ṛebbi.” (At Galasya 5:19-21; 1 At Kurintus 6:9-11) Iqeddacen n Ṛebbi ilaq ad ilin ddukklen wway gar-asen akken yebɣu yili lǧens iseg i d-kkan. (At Ṛuma 2:11; At Ifasus 4:1-6) Ilaq ad fken seg yiman-nsen s lfeṛḥ akken ad εiwnen atmaten ukud cerken liman. (2 At Kurintus 9:7) Bulus yenha-ten akka: “Yal ass deεεut ɣer Sidi Ṛebbi.” Lmumnin ţwaεerḍen ad smiren ul-nsen i Yahwa di tẓallit. (1 At Tiṣalunik 5:17; 2 At Tiṣalunik 3:1; At Filibus 4:6, 7) Ilaq-asen ad ẓẓallen s liman iwakken a sen-d-iḥess Ṛebbi.—Iεebṛaniyen 11:6.

Amek i tezmer twacult aţ-ţaf iman-is? Argaz ilaq ad iḥemmel tameṭṭut-is am yiman-is. Tameṭṭut ilaq aţ-ţqader mliḥ argaz-is. Dderya ilaq-asen ad ḍuεen imawlan-nsen. Ma d imawlan, yelzem ad ssexdmen imenzayen (leqwanen) n Wedlis Iqedsen akken ad wellhen w’ad ṛebbin arraw-nsen.—At Ifasus 5:22-6:4; At Kulus 3:18-21.

Lmeqsud n Ṛebbi. Lqanun n Musa yesbedd aṭas n ţţawilat i gḥurben ɣef wat Isṛayil yerna i ten-iwellhen armi d asmi i d-yusa Lmasiḥ. (At Galasya 3:24) Acu kan, imasiḥiyen ur ḥwaǧen ara ad tebεen Lqanun-agi akken ad εebden Ṛebbi. Di tebṛaţ i gura Bulus i Iεebṛaniyen, yeεni imasiḥiyen i d-yekkan si laṣel n Iyahudiyen, yessefhem-ed acu i d lmeεna n Lqanun d wamek ara yessiweḍ Ṛebbi lmeqsud-is s Lmasiḥ. Yessefhem-ed belli  xilla n yeḥricen n Lqanun-agi mettlen-d ayen ara yeḍrun ɣer zdat. Di lemtel, iseflawen n lmal ţmettilen-d lmut n Σisa yellan d asfel i gzemren a d-tawi ssmaḥ n ddnubat. (Iεebṛaniyen 10:1-4) S lmut n Σisa, Ṛebbi yemḥa leεqed n Lqanun imi dayen ur iwulem ara.—At Kulus 2:13-17; Iεebṛaniyen 8:13.

Amek i glaq aţ-ţelḥu tejmaεt. Irgazen yebɣan ad sεun lemzeyyat di tejmaεt ilaq ad fken azal i leqwanen n Ṛebbi yeεnan tikli w’ad tebεen ccuruṭ ilezmen i d-yekkan seg Wedlis Iqedsen. (1 Timuti 3:1-10, 12, 13; Tit 1:5-9) Ilaq-asen i iqeddacen n Yahwa Ṛebbi ad zgin deg inejmuεen akken ad myefken afud. (Iεebṛaniyen 10:24, 25) Inejmuεen i leεbada ilaq ad sɣarayen w’ad sseǧhaden imeḥdaṛ.—1 At Kurintus 14:26, 31.

Asmi i gura Bulus tabṛaţ tis snat i Timuti, yufa-t-id lḥal yuɣal ɣer Ṛuma. Yeţṛaǧu di lḥebs ad iţţucaṛeε. Siwa kra n imasiḥiyen yesεan tirrugza ur nugad ara ad ṛuḥen a t-id-ẓren dinna. Bulus yeẓra belli drus n lweqt i s-d-yeqqimen. Daɣneţţa yenna: “Kfiɣ ccɣel-iw yerna ṭṭfeɣ di liman ar tura, nnuɣeɣ imenɣi n tideţ armi ţ-ţaggara.” (2 Timuti 4:7) Izmer lḥal nɣan-t ɣef liǧal n liman-is mi gεedda kan kra n lweqt segmi i d-yenna imeslayen-a. Lameεna tibṛatin-is mazal ţwellihent iqeddacen n ṣṣeḥ ar ass-a.

—Ayagi yers ɣef wat Ṛuma; 1 At Kurintus; 2 At Kurintus; At Galasya; At Ifasus; At Filibus; At Kulus; 1 At Tiṣalunik; 2 At Tiṣalunik; 1 Timuti; 2 Timuti; Tit; Filimun; Iεebṛaniyen.