Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Adlis Iqedsen—Lexbaṛ yellan deg-s

Lexbaṛ yellan deg Wedlis Iqedsen

Lexbaṛ yellan deg Wedlis Iqedsen
  1. Yahwa ixleq-ed Adam d Ḥewwa akken ad εicen di Lǧennet i dima. Cciṭan issames i yisem n Ṛebbi yerna iεuṣa leḥkem yeţţalas. Adam d Ḥewwa tebεen Cciṭan mi gεuṣa Ṛebbi. Daεneţţa wwin-d ddnub d lmut ama i nutni ama i warraw-nsen.

  2. Yahwa yesseɣli-d lεiqab ɣef wid i t-iεuṣan yerna yewεed belli yiwen n Wemsellek, yeεni yiwet n Zzerriεa, ad imḥeq Cciṭan w’ad ikkes ayen akk i d-yewwi uεaṣi-nni akk-d ddnub.

  3. Yahwa iεuhed i Abṛaham akk-d Dawed belli ad ilin d lejdud n Zzerriεa-nni, yeεni Lmasiḥ, ara iḥekmen i lebda.

  4. Yahwa iwelleh lanbeyya s ṛṛuḥ-is akken a d-caren belli Lmasiḥ ad ikkes ddnub d lmut yerna ad yeḥkem neţţa d kra n lεibad di Tgelda n Ṛebbi iɣef ara yili d aqerru. Tagelda-ya aţ-ţemḥu lgirrat, lehlak d lmut.

  5. Yahwa iceggeε-ed Mmi-s ɣer lqaεa yerna ikcef-ed belli d Σisa i d Lmasiḥ. Σisa iberreḥ ɣef Tgelda n Ṛebbi yerna yefka tudert-is d asfel. Yahwa yeḥya-t-id akken ad iεic am ṛṛuḥ.

  6. Yahwa yerra Mmi-s d Agellid deg igenni. Annect-a yewwi-d tazwara n wussan ineggura n ddunit n wass-a. Σisa yeţwellih inelmaden-is deg uberreḥ yeεnan Tagelda n Ṛebbi ɣef lqaεa meṛṛa.

  7. Yahwa yumeṛ i Mmi-s ad yebdu leḥkem-is ɣef lqaεa s Tgelda n Ṛebbi. Tagelda-yagi aţ-ţemḥu lḥukumat akk i geţxaṣamen Ṛebbi, a d-terr Lǧennet yerna aţ-ţawi imdanen unṣiḥen ɣer lekmala. A d-iţţubeggen belli Yahwa yeţţalas leḥkem yerna isem-is ad iţwaqeddes i dima.