1. D acu i ţ-ţagelda n Ṛebbi?

Acuɣer i nezmer a d-nini belli Σisa d Agellid ifazen?MARQUS 1:40-42.

Tagelda n Ṛebbi d lḥukuma n igenwan. Aţ-ţuɣal deg wemkan n lḥukumat nniḍen meṛṛa, yerna aţ-ţexdem lebɣi n Ṛebbi ama deg igenni ama di lqaεa. Wagi d lexbaṛ yessefṛaḥen! Tagelda-yagi, qrib aţ-ţefk i yemdanen ayen i ssaramen, yeεni leḥkem n lεali. Aţ-ţesdukkel imezdaɣ meṛṛa n lqaεa.Γer Danyil 2:44; Matta 6:9, 10; 24:14.

Tagelda ilaq aţ-ţesεu agellid. Yahwa yerra Mmi-s, Σisa Lmasiḥ, d aqerru n Tgelda-s.Γer Aweḥḥi 11:15.

2. Ayɣer Σisa d Agellid ifazen?

Mmi-s n Ṛebbi d Agellid ifazen axaṭer yelha yerna yeţdafaε ɣef wayen yelhan. (Yuḥenna 1:14) Yesεa daɣen tazmert akken ad iεiwen imdanen, imi seg igenwan ara d-yeḥkem ɣef lqaεa. Ţ-ţideţ, mbeεd ḥeggu-ines, yuli s igenni; yeqqim ɣer tama tayeffust n Yahwa, yeţṛaǧu lweqt ideg ara s-yeţţunefk ukersi n Tgelda. (Iεebṛaniyen 10:12, 13) Γer taggara, Ṛebbi yefka-yas ţţesriḥ ad yeḥkem.Γer Danyil 7:13, 14.

3. Anwa ara iḥekmen akk-d Σisa?

Ţ-ţarbaεt n wid iţţusemman ‘imqeddsen’ ara iḥekmen akk-d Σisa deg igenni. (Danyil 7:27) Imqeddsen imezwura i geţwaxtaṛen d imceggεen unṣiḥen n Σisa. Mbeεd, Yahwa irennu-d ɣur-sen unṣiḥen nniḍen, d irgazen neɣ ţ-ţulawin, armi d ass-a. Am Σisa, ḥyan-d si lmut s lǧeţţa n ṛṛuḥ.Γer Yuḥenna 14:1-3; 1 Ikurintiyen 15:42-44.

 Acḥal n yemdanen ara yalin s igenni? Σisa yenna-d: “taqeḍεit tamecṭuḥt.” (Luqa 12:32) Ad ilin 144 000 ara d-iḥekmen yid-es ɣef lqaεa.Γer Aweḥḥi 14:1.

4. Acu i d-yeḍran asmi i gebda Σisa leḥkem?

Tagelda n Ṛebbi tebda leḥkem-is deg useggas 1914. * Lḥaǧa tamenzut i gexdem Ugellid Σisa, iḍegger-ed Cciṭan d leǧnun-is ɣer lqaεa. Imi i t-ikcem wurrif d ameqran, Cciṭan yebda isskaray-ed ccwal di ddunit meṛṛa. (Aweḥḥi 12:7-10, 12) Seg yimiren ar ass-a zaden nezzeh lehmum ɣef yemdanen. Lgirrat, laẓ, ţţerkat (lehlakat iţţenṭaḍen) akk-d zzelzlat ţekkan deg yiwet n “limaṛa” i d-iţbegginen belli qrib a d-testaf Tgelda n Ṛebbi i wayen akk iḍerrun ɣef lqaεa.Γer Luqa 21:7, 10, 11, 31.

5. D acu i txeddem Tgelda n Ṛebbi?

S yiwen n leqdic n uberreḥ di ddunit kamel, Tagelda n Ṛebbi la d-tjemmeε ihedman n yemdanen si mkul tamurt. D imelyan n lεibad yesεan annuz i gqebblen leḥkem n Σisa. Tagelda n Ṛebbi aţ-ţḥareb fell-asen asm’ara tessenger nniḍam n ddunit-agi n diri i gellan ass-a ɣef lqaεa. Wid akk i gebɣan ad sfaydin si lbaṛakat ara d-yekken si Tgelda-yagi, ilaq-asen ad lemden amek ara ilin d imḍuεen ddaw n leḥkem n Σisa.Γer Aweḥḥi 7:9, 14, 16, 17.

Deg yiwen n lweqt ara idumen 1 000 iseggasen, Tagelda-yagi aţ-ţessiweḍ lmeqsud yesεa Ṛebbi i yemdanen si tazwara. Lqaεa kamel aţ-ţuɣal d Lǧennet. Γer taggara, Σisa ad yerr Tagelda i Baba-s. (1 Ikurintiyen 15:24-26) Yella walbeεḍ iwumi tebɣiḍ aţ-ţhedṛeḍ ɣef Tgelda n Ṛebbi?Γer Ahellil 37:10, 11, 29.

 

^ § 6 Iwakken aţ-ţfehmeḍ licaṛat n Wedlis Iqedsen yeεnan aseggas 1914, ẓer adlis Acu yesselmad s ṣṣeḥ Wedlis Iqedsen?, isebtar 215-218.