Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Lexbaṛat yessefṛaḥen sɣur Ṛebbi!

 TIMEΓRI 13

Amek ara teḍru d ddyanat?

Amek ara teḍru d ddyanat?

1. Lhant akk ddyanat?

Di ddyanat meṛṛa llan lεibad iwumi yeṣfa wul. Ṛebbi iẓerr-iten yerna yeţḥebbiṛ fell-asen; ayagi d lexbaṛ yessefṛaḥen. Lameεna, si zik, imdanen ssexdamen ddin i wayen n diri. (2 Ikurintiyen 4:3, 4; 11:13-15) Σlaḥsab n kra n nnubat i d-ssufɣen imesjeṛnanen, llant ddyanat i gţekkan ula di rrebrab, deg usenger n ccetlat, di lgirrat akk-d ucemmet n warrac imecṭaḥ. Mačči d ayen isseḥzanen lmumnin n ṣṣeḥ?Γer Matta 24:3-5, 11, 12.

Ddin n ṣṣeḥ iţεuzzu Ṛebbi, lameεna ddyanat n lekdeb ur s-εǧibent ara. Sselmadent tiktiwin (ixemmimen) ur nelli ara deg Wedlis Iqedsen am lekdubat ɣef Ṛebbi neɣ ɣef lmeyytin. Lameεna, Yahwa yebɣa ad issinen lεibad tideţ ɣef wayen i t-yeεnan.Γer Ḥizqiyal 18:4; 1 Timutawus 2:3-5.

2. Amek ara teḍru d ddyanat?

Ṛebbi ur s-ţkellixent ara ddyanat i ţ-ileεben amzun ḥemmlent-eţ, yuɣ lḥal nutenti ḥemmlent ddunit n Cciṭan. (Yeεqub 4:4) Deg Wedlis Iqedsen, ddyanat n lekdeb s lǧemla ţţusemmant “Babil tameqwrant.” Babil (Babilun) tella d yiwet n temdint n zik anda i d-ilul ddin n lekdeb mi gεedda Uḥemmal-nni n lweqt n Nuḥ. Qrib a d-yas wass anda ara yekkes Ṛebbi ɣef tikkelt ddyanat i geţkellixen i medden, i ten-iḥeqqren.Γer Aweḥḥi 17:1, 2, 5, 16, 17; 18:8.

Acu kan, Yahwa ur iteţţu ara lεibad iwumi yeṣfa wul, yellan di ddyanat n lekdeb n ddunit meṛṛa. Isnejmaεay-iten-id s uselmed n tideţ.Γer Mixa 4:2, 5.

 3. Acu i glaq ad xedmen wid iwumi yeṣfa wul?

Ddin n ṣṣeḥ yesdukkul medden ass-a.

Yahwa iţḥebbiṛ ɣef wid i gḥemmlen tideţ akk-d lxiṛ. Isḥiriy-iten a d-ffɣen si ddyanat n lekdeb. Win iţḥibbin Ṛebbi ad ibɣu ad ibeddel ssira akken a s-yeεǧeb.Γer Aweḥḥi 18:4.

Di lqern amezwaru, lεibad iwumi yeṣfa wul qeblen s lfeṛḥ lexbaṛat yessefṛaḥen i ţberriḥen yemceggεen. Yahwa yesseḥfeḍ-asen amek ara sεun tamεict i d-yessasayen akteṛ n sseεd, tamεict ideg ara afen lɣerḍ (leqsed) d usirem. Ǧǧan-aɣ-d lemtel n lεali axaṭer qeblen lexbaṛat-agi yessefṛaḥen, imi fkan i Yahwa amkan amenzu di tudert-nsen.Γer 1 Itisalunikiyen 1:8, 9; 2:13.

Yahwa iţţeεraḍ-ed s leḥnana, ɣer twacult n iqeddacen-is, wid akk yeǧǧan ddin n lekdeb. Ma yella tqebleḍ ayagi, aţ-ţeqqleḍ d aḥbib-is w’a d-trebḥeḍ tudert n dayem akk-d twacult yeččuṛen d leḥmala.Γer Marqus 10:29, 30; 2 Ikurintiyen 6:17, 18.

4. Amek ara yezreε Ṛebbi lfeṛḥ ɣef lqaεa meṛṛa?

Γer zdat, Ṛebbi ad yesεeddi di ccṛeε ddyanat n lekdeb; ayagi d lexbaṛ issefṛaḥen. Ddunit kamel aţ-ţethenni seg weqhar. Ddyanat n lekdeb ur ţţuɣalent ara yakk ad sseεrqent iberdan i yemdanen neɣ a ten-ferqent wway gar-asen. Imdanen meṛṛa ad ddukklen di leεbada n Ṛebbi awḥid, Ṛebbi n tideţ.Γer Aweḥḥi 18:20, 21; 21:3, 4.