1. Acu n lexbaṛat i d-ikkan sɣur Ṛebbi?

Ṛebbi yebɣa ad εicen yemdanen d iseεdiyen ɣef lqaεa. Ixleq-aɣ-d lqaεa-yagi d wayen akk yellan deg-s axaṭer iḥemmel-aɣ. Qrib ad ixdem ţţawil swayes ara yefk ussan ifazen i imezdaɣ n yal tamurt; a ɣ-isseṛtiḥ seg wayen akk i d-issasayen leεtab.Γer Irmiya 29:11.

Leεmeṛ telli lḥukuma yessawḍen aţ-ţemḥu leqher, lehlak neɣ lmut. Acu kan, yella lexbaṛ yessefṛaḥen: Qrib ad ixlef Ṛebbi lḥukumat meṛṛa n yemdanen s lḥukuma-ines. Wid ara yilin ddaw n lḥukuma-yagi ad εicen di lehna w’ad sεun ṣṣeḥḥa n lεali.Γer Icεaya 25:8; 33:24; Danyil 2:44.

2. Ayɣer yeɣṣeb lḥal ad ţwissnen lexbaṛat-agi?

Ur iḥebbes leεtab ḥaca ma d asm’ara yemḥu Ṛebbi imcumen si lqaεa. (Ṣafanya 2:3) Melmi ara d-yeḍru waya? Awal n Ṛebbi, yeεni Adlis Iqedsen, icar-ed ɣef lḥif yeggunin medden ass-a. Ayen iḍerrun tura iţbeggin-ed belli iqreb-ed lweqt anda ara d-iger Ṛebbi afus-is.Γer 2 Timutawus 3:1-5.

3. Acu i glaqen a t-nexdem?

Ilaq a nissin Ṛebbi s Wedlis Iqedsen. Adlis-agi amzun ţ-ţabṛaţ i ɣ-d-yura baba-tneɣ i ɣ-iţḥibbin. Yeqqar-aɣ-d ayen i glaqen a t-nexdem akken a nesεu tamεict taxlaft tura akk-d tudert n dayem ɣef lqaεa, ɣer zdat. Ahat ad ilin wid ur nbeqqu ara a k-teţţunefk lemεawna akken aţ-ţfehmeḍ Adlis Iqedsen. Lameεna, ḥader a k-tṛuḥ tegniţ am ta, tagniţ ara k-d-yessisen tudert ifazen.Γer Lemtul 29:25; Aweḥḥi 14:6, 7.