Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Lexbaṛat yessefṛaḥen sɣur Ṛebbi!

 TIMEΓRI 15

Acuɣer i glaq aţ-ţkemmleḍ taɣuri n Wedlis Iqedsen

Acuɣer i glaq aţ-ţkemmleḍ taɣuri n Wedlis Iqedsen

1. D acu ara tesfaydiḍ ma tkemmleḍ taɣuri n Wedlis Iqedsen?

Aselmed n Wedlis Iqedsen i d-yeţţunefken di treẓẓit-agi yesseǧhed bla ccekk leḥmala-inek i Yahwa. Leḥmala-yagi ilaq dima aţ-ţeţnerni. (1 Buṭrus 2:2) Siwa ma yella teţkemmileḍ teţqerribeḍ ɣer Ṛebbi s tɣuri n Wawal-is ara tizmireḍ aţ-ţesεuḍ asirem n tudert n dayem.—Γer Yuḥenna 17:3; Yahuda 21.

Simmal teţţissineḍ Ṛebbi, simmal liman-ik yeţţiǧhid. Liman a k-issiweḍ a s-tεeǧbeḍ i Ṛebbi. (Iεebṛaniyen 11:1, 6) A k-idemmer aţ-ţtubeḍ w’aţ-ţbeddleḍ tikli-k s tikli ara yesǧuǧǧgen tamεict-ik.—Γer Lecɣal 3:19.

2. Amek i zemren ad sfaydin wiyaḍ seg wayen i tessneḍ ɣef Ṛebbi?

Tzemreḍ aţ-ţesεuḍ d Yahwa lεalaqa ur necbi tayeḍ.

Bla ccekk, aţ-ţebɣuḍ aţ-ţemleḍ i wiyaḍ ayen i d-tufiḍ axaṭer nḥemmel akk a nessiweḍ lexbaṛat yessefṛaḥen. Ma teţkemmileḍ teqqareḍ Adlis Iqedsen, aţ-ţissineḍ amek ara t-tessexdmeḍ bac a d-tessefhmeḍ liman i tesεiḍ di Yahwa w’a d-tessefhmeḍ daɣen lexbaṛat yessefṛaḥen i ɣ-d-iceggeε.—Γer Iṛumaniyen 10:13-15.

Aṭas i gessawaḍen i leḥbab-nsen ţ-ţwaculin-nsen lexbaṛat-agi yessefṛaḥen. Lameεna, issin amek ara thedṛeḍ. Axiṛ aţ-ţemmeslayeḍ i yeqriben-ik ɣef lewεud n Ṛebbi, wala a sen-tiniḍ belli ddin-nsen diri-t. Yerna ur teţţu ara belli, acḥal d abrid, d lefεayel n lεali i geţḥazen akteṛ wala lehduṛ.—Γer 2 Timutawus 2:24, 25.

3. Anta lεalaqa i tzemreḍ aţ-ţesεuḍ d Ṛebbi?

Taɣuri n Wawal n Ṛebbi a k-tεiwen aţ-ţesseǧhdeḍ lεalaqat-inek kečč d Ṛebbi. M’ara iεeddi lweqt, aţ-ţesεuḍ d Yahwa lεalaqa ur necbi tayeḍ. Ţ-ţideţ,  tzemreḍ aţ-ţuɣaleḍ d ayla-s, d aεeggal si twacult-is.—Γer 2 Ikurintiyen 6:18.

4. Amek ara teţkemmileḍ anerni?

Aţ-ţennerniḍ di leḥwayeǧ n ṛṛuḥ, yeεni aţ-ţlemdeḍ amek ara tessexdmeḍ imenzayen n Wawal n Ṛebbi, ma yella teţkemmileḍ teqqareḍ Adlis Iqedsen. (Iεebṛaniyen 5:13, 14) Ini i walbeεḍ n Inagan n Yahwa a k-iεiwen aţ-ţeɣreḍ Adlis Iqedsen s tektabt Acu yesselmad s ṣṣeḥ Wedlis Iqedsen? Simmal teţţaǧǧaḍ Awal n Ṛebbi a k-isselmed, simmal yeţţili sseεd di tudert-ik.—Γer Ahellil 1:1-3; 73:27, 28.

Lexbaṛat yessefṛaḥen yellan di treẓẓit-agi kkan-d sɣur Yahwa, Ṛebbi aseεdi. Tzemreḍ aţ-ţqerrbeḍ ɣur-es ma yella teţqerribeḍ ɣer iqeddacen-is. (Iεebṛaniyen 10:24, 25) Ma teţkemmileḍ txeddmeḍ lmeǧhud akken a s-tεeǧbeḍ, aţ-ţedduḍ deg webrid n tudert n ṣṣeḥ, ih tudert n dayem. Ma tqerrbeḍ ɣer Ṛebbi d lḥaǧa yakk ifazen ara txedmeḍ di ddunit-ik.—Γer 1 Timutawus 1:11; 6:19.