Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Anwa i gxeddmen lebɣi n Yahwa?

 AḤRIC 25

Acuɣer i nbennu Tizeɣwa n Tgelda yerna amek i nxeddem ayagi?

Acuɣer i nbennu Tizeɣwa n Tgelda yerna amek i nxeddem ayagi?

Bulibya

Nijirya (uqbel, umbeεd)

Ṭayti

Imukan ideg i neţţeεbad Ṛebbi ţţusemman Tizeɣwa n Tgelda axaṭer deg-sen i d-iţţunefkay uselmed seg Wedlis Iqedsen yeεnan Tagelda n Ṛebbi. Γef Tgelda-yagi i gella yeţberriḥ Σisa.—Luqa 8:1.

D imukan i leεbada n ṣṣeḥ. Tazeqqa n Tgelda d amkan ideg i d-ţheggin Inagan n Yahwa ayen akk iwulmen bac ad iţţubecceṛ lexbaṛ n lxiṛ deg wemḍiq i d-yezzin i Tzeqqa-yagi. (Matta 24:14) Tizeɣwa n Tgelda ur ţţemcabint ara meṛṛa, la di temɣer la di lebni, yerna akken ma llant ur zewwqent ara sennig n wayen ilaqen. Mkul yiwet seg-sent tessexdam-iţ yiwet n tejmaεt neɣ kteṛ. Imi xilla n tjemmuyaε i d-yernan, d luluf n Tzeɣwa i nebna deg iseggasen-agi iεeddan (lqider n xemsa deg wass). Amek armi i nessaweḍ a nexdem annect-agi meṛṛa?—Matta 19:26.

Bnant s tukciwin i d-iţţunefken i lmend n lebni n Tzeɣwa n Tgelda. Tukciwin-agi ţţuceggεent i Bitil; mbeεd Bitil yeţmuddu-tent i tjemmuyaε i geḥwaǧen ad bnunt neɣ ad ṣeggment Tazeqqa n Tgelda.

Bennun-tent iwaziwen i d-yeţţasen si yal lǧiha. Deg waṭas n tmura, llant trebbuyaε ibennun Tizeɣwa n Tgelda. Ţţilin deg-sent iwaziwen akk-d iqeddacen ibennun Tizeɣwa-yagi. Ţṛuḥun si tejmaεt ɣer tayeḍ, ula ɣer imukan iḍerrfen, bac ad εiwnen irfiqen-nsen di ddin ad bnun imukan i leεbada. Di tmura nniḍen, kra n Inagan i gkesben ṣṣifat ilezmen ţţuwekklen akken ad bedden ɣef lebni akk-d uṣeggem n Tzeɣwa n Tgelda deg walbeεḍ n leǧwahi. Xas akken aṭas n Inagan yesεan lḥirfat i d-yeţţasen ansi nniḍen iwakken ad fken afus n lemεawna di lebni, d Inagan n tejmaεt-nni i gxeddmen ccɣel akk ameqran. Annect-agi meṛṛa yeţwaxdem s lemεawna n ṛṛuḥ n Yahwa akk-d lmeǧhud n wegdud-is.—Ahellil 127:1; Ikulusiyen 3:23.

  • Acuɣer i ţţusemman imukan-nneɣ n leεbada Tizeɣwa n Tgelda?

  • Amek i nbennu Tizeɣwa n Tgelda di ddunit kamel?