Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Anwa i gxeddmen lebɣi n Yahwa?

 AḤRIC 7

Acu i nxeddem deg inejmuεen-nneɣ?

Acu i nxeddem deg inejmuεen-nneɣ?

Ziland Tamaynut

Jabun

Uganda

Litwanya

Γer imasiḥiyen n lqern amezwaru, anejmuε mačči ţ-ţameɣra. Ţţilin deg-s ccnawi, tiẓilla akk-d leqraya d usefhem n kra n yefyar n Tira Iqedsen. (1 Ikurintiyen 14:26) D ayen i geţţilin daɣen tura deg inejmuεen-nneɣ.

Nlemmed-ed seg Wedlis Iqedsen ayen i ɣ-iṣelḥen. Di taggara n smana, imasiḥiyen ţţemlilen di tjemmuyaε-nsen bac ad ḥessen i yiwet n lxeṭba ireṣṣan ɣef Wedlis Iqedsen, i gtekken 30 ddqayeq. Lxeṭba-yagi teţwerri-d deg wacu i ṣelḥent Tira Iqedsen di tudert-nneɣ akk-d lweqt-nneɣ. Wid iḥeddṛen ţnadin-d deg wedlis-nsen iqedsen ifyar i d-iţţunefken. Mbeεd lxeṭba-yagi, iεeggalen n tejmaεt ţcaraken di tɣuri n “Lbeṛǧ n Tεessast”. Taɣuri-yagi deg-s isteqsiyen iwumi ara d-ǧawben imeḥdaṛ. Teţţaṭṭaf ssaεa, treṣṣa ɣef yiwen weḥric si tesɣunt yeţţusemman Lbeṛǧ n Tεessast yeţwaxedmen i tɣuri. Teţεawan-aɣ a nṭebbeq imenzayen n Wedlis Iqedsen di temεict-nneɣ. Llant kteṛ n 110 000 n tjemmuyaε di ddunit meṛṛa. Di mkul yiwet seg-sent qqaren aḥric-agi n Lbeṛǧ n Tεessast.

Nḥeffeḍ amek ara nesselmed. Neţţemlil daɣen yiwet n tmeddit n wass di smana, deg yiwen n unejmuε yebḍan ɣef tlata yeḥricen, yeţţusemman Tamεict tamasiḥit d leqdic. Ahil-ines ireṣṣa ɣef wayen yellan di Tezmamt n unejmuε n Temεict tamasiḥit d leqdic. Ahil-agi ibeddu s Twiztin n Wawal n Ṛebbi; lmeqsud-is d asenqed n weḥric seg Wedlis Iqedsen, i ɣran uqbel iεeggalen n tejmaεt. Mbeεd, deg weḥric Ḥṛec di leqdic, neţwali timeskanin i d-issenεaten amek ara nheddeṛ i wiyaḍ ɣef Wedlis Iqedsen. Yiwen uselmad a ɣ-d-yefk kra n lewṣayat akken a ɣ-iεiwen a nwenneε leqraya-nneɣ d lhedṛa-nneɣ. (1 Timutawus 4:13) Γer taggara, aḥric yeţţusemman Tamεict tamasiḥit yesskanay-ed amek ara nṭebbeq imenzayen n Wedlis Iqedsen di temεict-nneɣ n kul ass. Ţţilin deg-s yesteqsiyen iɣef ara d-ǧawben imeḥdaṛ, ara ɣ-iεiwnen a nefhem akteṛ Adlis Iqedsen.

Mebla ccekk, a k-yeεǧeb mliḥ uselmed yelhan n Wedlis Iqedsen i ɣ-d-iţţunefkayen deg inejmuεen-nneɣ.—Icεaya 54:13.

  • Amek i ţwaxdamen inejmuεen-nneɣ?

  • Anwa anejmuε, seg wid i nxeddem, iwumi i tebɣiḍ aţ-ţḥedṛeḍ d amezwaru?