Marikan

Aɣerbaz n Gilεad, Baṭirṣun (Nuyuṛk).

Banama

Inagan n Yahwa ţwassnen seg waṭas aya s useḥfeḍ ireṣṣan ɣef Wedlis Iqedsen i ten-id-iţṣaḥen deg iɣerbazen-nsen (llakulat-nsen). Wid yeţţaken lweqt-nsen kamel i uberreḥ zemren ad sfaydin s yiwen uselmed amxalef bac a ‘d-lhin d leqdic-nsen akken ilaq.’—2 Timutawus 4:5.

Aɣerbaz n inaramen. M’ara ifakk unaram aseggas-ines amezwaru i gesεedda di leqdic n lweqt kamel, a s-iţţunefk uselmed ara yekken seţţ eyyam, di Tzeqqa n Tgelda iqerben axxam-is neɣ deg wemḍiq nniḍen. Aɣerbaz-agi yeţwaxdem iwakken ad iεiwen inaramen ad qerrben akteṛ ɣer Yahwa yerna ad ḥeṛcen deg wayen akk yeεnan aberreḥ w’ad kemmlen leqdic-nsen s nnṣaḥa.

Aɣerbaz n iberraḥen n Tgelda. Aɣerbaz-agi, itekken cehṛayen, yeţwaxdem bac ad ɣren deg-s inaramen ijeṛṛben mliḥ aberreḥ yerna i gqeblen ad ǧǧen amḍiq ideg i zedɣen bac ad qedcen deg wemkan nniḍen anda iwulem leqdic-nsen. Am wakken qqaren-as: “Aql-i, ceggeε-iyi!” Deg waya cuban Σisa Lmasiḥ, yellan d Aberraḥ akk ifazen di ddunit. (Icεaya 6:8; Yuḥenna 7:29) Wid i gqesden ad beddlen amḍiq, ilaq-asen tikwal ad ǧǧen kra si leḥwayeǧ i llan kesben, yeεni ad xedmen ţţawil iwakken aţ-ţifsus temεict-nsen. Uyerna, leεwayed, liḥala n tegnawt akk-d lmakla yellan deg wemkan-agi, uɣur ara ṛuḥen, mxallafent ahat ɣef wayen akk i wulfen. Tikwal daɣen, ilaq-asen ad lemden lluɣa tajdiṭ. Aɣerbaz-agi yeţwaxdem i watmaten ţ-ţyessetmatin izewǧen neɣ ur nezwiǧ ara, yesεan ger 23 d 65 n sna. Iţεawan-iten ad kesben ṣṣifat ara ḥwiǧen anda ara ţţuceggεen akk-d lḥirfat swayes ara ten-issexdem akteṛ Yahwa akk-d ţ-ţuddsa-ines.

Aɣerbaz n Gilεad ireṣṣan ɣef Wedlis Iqedsen. S tεibṛanit, ameslay “Gilεad” lmeεna-s “aεemmuṛ yellan d ccahed.” Segmi i geldi uɣerbaz-agi di 1943, issufeɣ-ed akteṛ n 8 000 n yemceggεen bac ad fken cchada s ubecceṛ-nsen “alamma d lqern n ddunit.” (Lecɣal 13:47) Asmi i wwḍen wid yeɣran di Gilεad ɣer tmurt n Biruw, ur telli ula d yiwet n tejmaεt dinna. Ass-a, llant wakteṛ n 1 000. Asmi i bdan ţberriḥen yemceggεen-nneɣ di Jabun, ur wwiḍen ara εecṛa n Inagan i gellan deg-s. Ass-a, εeddan 200 000. Deg uɣerbaz-agi, itekken xemsa wagguren, qqaren mliḥ Awal n Ṛebbi. Llakul-agi yeţţeεraḍ-ed inaramen imxulaf, imceggεen, At Bitil, akk-d ineqqaden n tɣalayt ţ-ţlawin-nsen bac a sen-d-iţţunefk uselmed iǧehden swayes ara reṣṣin yerna ara snernin ccɣel n uberreḥ di ddunit kamel.

  • Acu i d leqsed n Uɣerbaz n inaramen?

  • Anwa i gzemren ad iɣer deg Uɣerbaz n iberraḥen n Tgelda?