Ṛuḥ ɣer wayen yellan deg-s

Ṛuḥ ɣer wegbur

 AḤRIC 2

Acuɣer isem-agi n “Inagan n Yahwa”?

Acuɣer isem-agi n “Inagan n Yahwa”?

Nuḥ

Abṛaham d Ṣara

Musa

Σisa Lmasiḥ

Uqbel 1931, nella neţţusemma “Inelmaden n Wedlis Iqedsen.” Deg useggas-nni, nefka i yiman-nneɣ isem n Inagan n Yahwa. Aṭas i genwan belli d isem n ddin ajdid. Meεna, akteṛ n 2 700 iseggasen ɣer deffir, Ṛebbi awḥid n ṣṣeḥ yella isemma yakan i iqeddacen-is “inagan-iw.”—Icεaya 43:10-12.

Isem-agi isskanay-ed anwa i d Ṛebbi-nneɣ. Isem n Ṛebbi, yeεni Yahwa, yella yeţwakteb luluf n tikkal deg iţafţaren n zik n Wedlis Iqedsen. Di xilla n ṭrejmat, kksen isem-agi, rran deg wemkan-is imeslayen am “Ameɣlal” neɣ “Ssid”. Acu kan, di lluɣat timezwura, Ṛebbi n ṣṣeḥ ibeggen-ed iman-is i Musa s yisem-is, yeεni Yahwa. Ssyin yenna-yas: “D wagi i d isem-iw, i dayem.” (Tuffɣa 3:15) Akka, isbeggen-ed belli yemxallaf ɣef iṛebbiten akk n lekdeb. S zzux i nreffed isem imqeddes n Ṛebbi.

Isem-agi yeţwerri-d acu i d ccɣel-nneɣ. Xilla n tlawin tunṣiḥin d yergazen unṣiḥen i gumnen s Yahwa yerna i d-icehhden fell-as; amezwaru deg-sen d Habil. Skud ţεeddin leqrun, skud ţţilin wid i d-irennun ɣer terbaεt-agi n ‘waṭas n inagan’, gar-asen Nuḥ, Abṛaham, Ṣara, Musa, Dawed akk-d wiyaḍ. (Iεebṛaniyen 11:4–12:1) Inigi yezmer a d-icehhed deg wexxam n ccṛeε belli flan ur yexdim acemma. Akken ula d nekni, neţnadi a d-nehdeṛ tideţ ɣef Ṛebbi.

Σisa daɣen d inigi. Adlis Iqedsen isemma-yas “inigi unṣiḥ [...] aḥeqqani.” (Aweḥḥi 3:14) Neţţa s timmad-is yenna-d belli isbeggen-ed isem n Ṛebbi i lɣaci yerna ‘icehhed-ed ɣef tideţ.’ (Yuḥenna 17:26; 18:37) Ihi, ilaq-asen i inelmaden n Σisa ad refden isem n Ṛebbi w’a t-mlen i medden. D annect-a i xeddmen Inagan n Yahwa.

  • Ayɣer i fkan Inelmaden n Wedlis Iqedsen i yiman-nsen isem n “Inagan n Yahwa”?

  • Acḥal aya segmi i gesεa Yahwa inagan ɣef lqaεa?

  • Anwa i d Inigi yakk ameqran n Yahwa?