Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Leǧwab ɣef 10 yesteqsiyen yeεnan ilmeẓyen

 ASTEQSI WIS 7

Lεaṛ ger yelmeẓyen: amek ara menεeɣ?

Lεaṛ ger yelmeẓyen: amek ara menεeɣ?

IWACU ASTEQSI-​YAGI?

Leqrarat ara teṭṭfeḍ ɣef wayen yeεnan lεalaqat n wusu zemren a k-​d-​awin lemḍerra tameqrant ɣer zdat.

ACU I TZEMREḌ AŢ-​ŢXEDMEḌ?

Meyyez ɣef liḥala-​yagi: Hanya tţeffeɣ d Malik azal n cehṛayen aya; acu kan yeţban-​as-​d amzun tessen-​it si zik. Ass kamel ţţemyarun yerna sεeddayen xilla n sswayeε di tilifun armi yal yiwen yezmer a d-​ifakk lehduṛ i gebɣa a d-​yini wayeḍ! Meεna tura, Malik yebɣa leḥwayeǧ nniḍen.

Di sin lechuṛ-​agi ineggura, ţţemyuṭṭafen kan afus yerna ţţemsudanen cwiṭ. Hanya ur tebɣi ara aţ-​ţexdem nnig n wannect-​a. Lameεna ur tebɣi ara daɣen a s-​iṛuḥ Malik. Yid-​es, teţḥussu iman-​is tecbeḥ ayendin, txulef ɣef tiyaḍ. Teqqar i yiman-​is: “Uyerna, nekk d Malik, nemyeḥmal!”

A s-​nini tessawḍeḍ leεmeṛ ideg ara teffɣeḍ d walbeεḍ. Lukan i telliḍ deg wemkan n Hanya, acu ara txedmeḍ?

XEMMEM CWIYYA

Lεalaqat n wusu ţ-​ţikci (lehdeyya) i gefka Ṛebbi i wid i gzewǧen. Ma txedmeḍ lεalaqat n wusu uqbel zzwaǧ, tekkseḍ lqima i tikci-​yagi. Amzun tessexdmeḍ aceṭṭiḍ (llebsa) yelhan i k-​yeţţunefken akken aţ-​ţessizdgeḍ yis axxam

Xayel-​ed iman-​ik tebɣiḍ aţ-​ţafgeḍ am wefṛux w’a d-​tneggzeḍ si ttejṛa. Ma txedmeḍ annect-​a, aţ-​ţxalfeḍ yiwen si leqwanen swayes i tleḥḥu ddunit yerna aţ-​ţḍurreḍ iman-​ik. Kifkif daɣen ma yella txulfeḍ yiwen si leqwanen yeεnan tikli. Di lemtel, lqanun i d-​yeqqaren: “Aţ-​ţexḍum i lεaṛ.”​—1 Itisalunikiyen 4:3.

Ma txulfeḍ lameṛ-​agi, acu ara yeḍrun? Adlis Iqedsen yenna-​d: “Win ixeddmen lεaṛ, d lǧeţţa-​s i gḍurr.” (1 Ikurintiyen 6:18) Acu i d lmeεna n imeslayen-​agi?

 Kra n ṭṭebba n tnefsit ufan-​d belli, xilla seg yelmeẓyen i gxedmen lεalaqat n wusu uqbel ad zewǧen, mmugren-​d alukan yiwet si lemḍerrat-​agi:

  • LLUM. Amur ameqran seg yelmeẓyen i gxedmen lεalaqat n wusu uqbel ad zewǧen qqaren-​d belli ɣer zdat nedmen.

  • CCEKK. Ma ifat xedmen sin yelmeẓyen lεalaqat n wusu, yal yiwen deg-​sen ad yuɣal a s-​yeqqar: “Anwa nniḍen wukud i gexdem (i texdem) annect-​a?”

  • LEḤZEN. Deg wul-​is, taqcict ma tufa, aţ-​ţextiṛ aqcic ara iḥarben fell-​as, mačči win ara ţ-​issexdmen i nnfeε-​is. Ma d aqcic, ur s-​teţţeεǧab ara mliḥ teqcict i t-​yeǧǧan a s-​ikellex.

  • Taggara: Ma txedmeḍ lεalaqat n wusu uqbel zzwaǧ, aţ-​ţuɣaleḍ aţ-​ţḥeqreḍ iman-​ik axaṭer tsebbleḍ lḥaǧa yesεan azal ameqran. (Iṛumaniyen 1:24) Lǧeţţa-​k tesεa lqima tameqrant bac aţ-​ţṛuḥeḍ a ţ-​tefkeḍ deg wayen ur nesεi lmeεna!

Werri-​d belli tesεiḍ tazmert ara k-​yessiwḍen ‘aţ-​ţexḍuḍ i lεaṛ.’ (1 Itisalunikiyen 4:3) Ma iḥdeṛ-​ed aţ-​ţzewǧeḍ, dinna d ṣṣeḥ, tzemreḍ aţ-​ţxedmeḍ lεalaqat n wusu, mebla uguren neɣ nndama i seεεun yelmeẓyen ixeddmen annect-​a uqbel zzwaǧ.​—Lemtul 7:22, 23; 1 Ikurintiyen 7:3.

 ΣLAḤSAB-​IK...

  • Albeεḍ i k-​iḥemmlen s ṣṣeḥ, ad ibɣu a k-​yexdem lemḍerra di lǧeţţa-​k neɣ di lḥisas-​ik?

  • Albeεḍ i k-​iḥemmlen s ṣṣeḥ, yezmer a k-​idemmer aţ-​ţessexṛbeḍ lεalaqat-​inek akk-​d Ṛebbi?​—Iεebṛaniyen 13:4.