Ṛuḥ ɣer wayen yellan deg-s

Ṛuḥ ɣer wegbur

 AḤRIC WIS 3

Amek i tga zik temεict di Lǧennet?

Amek i tga zik temεict di Lǧennet?

Yahwa yefka aṭas n leḥwayeǧ yelhan i Adam d Ḥewwa. Laṣel n ddunit 1:28

Yahwa ixleq-ed tameṭṭut tamezwarut, yeţţusemman Ḥewwa, mbeεd yefka-ţ i Adam akken aţ-ţuɣal ţ-ţameṭṭut-is.—Laṣel n ddunit 2:21, 22.

Yahwa ixleq-iten-id s lǧeţţa d leεqel ikemlen, ur nesεi ara yakk lexṣaṣ.

Adam d Ḥewwa zedɣen deg yiwen wemkan yellan d lǧennet. Qqaren-as i wemkan-agi, icebḥen aṭas, leǧnan (tibḥirt) n Σidin. Deg-s, yella wasif, lḥiwan akk-d ttjuṛ i d-iţţaken lfakyat.

Yahwa yeţmeslay yid-sen yerna yesɣaray-iten. Lukan di s-ḥessen, ad εicen i lebda di Lǧennet ɣef Lqaεa.

 Ṛebbi yenna belli ur ilaq ara ad ččen seg yiwet si ttjuṛ-nni. Laṣel n ddunit 2:16, 17

Di leǧnan-nni, Yahwa issken i Adam d Ḥewwa yiwet n ttejṛa yesεan lfakyat. Yenna-yasen belli ma ččan seg-s, ad mmten.

Yekker-ed yiwen lmelk i gεuṣan Ṛebbi. Lmelk-agi amcum d Cciṭan Iblis.

Cciṭan ur yebɣi ara ad aɣen awal Adam d Ḥewwa i Yahwa. Ihi, yessexdem azrem i gennan i Ḥewwa belli ma tečča si lfakya n ttejṛa-nni ur teţmeţţat ara, meεna aţ-ţuɣal am Ṛebbi. D ayen ibanen, ayagi d lekdeb.—Laṣel n ddunit 3:1-5.