Asmi i llan d imenfiyen di Babil, At Isṛayil ţţujeṛṛben aṭas n tikkal di liman-nsen. Cadrax, Micax akk-d Σabdnaγu ţţuḍeggren γer ufurnu n uḥeǧǧaǧu n tmes, lameεna Ṛebbi imneε-iten. Γer zdat, asmi i steεmṛen At Maday d wat Faras tamdint n Babil, Danyil yeţţuḍegger γer tesraft n yizmawen, lameεna isellek-it Ṛebbi ula d neţţa.

Γer taggara, agellid n Faras, yeţţusemman Sirus, iεemmed i wat Isṛayil ad ffγen si Babil. Uγalen γer tmurt-nsen mi qeflen 70 iseggasen seg wasmi i ţwaḥebsen di Babil. Yiwet ger leḥwayeǧ meṛṛa i xedmen mi wwḍen γer Yarucalim, d lebni n lemqam n Yahwa. Lameεna, iεdawen n wat Isṛayil ur εeṭṭlen ara ḥebsen-asen lxedma. Daεneţţa, armi i εeddan 22 iseggasen seg wasmi i d-uγalen γer Yarucalim i fukken lebni n lemqam.

Mbeεd, a d-nemmslay γef Σazra (Isdṛas) i d-yuγalen γer Yarucalim akken ad izewweq lemqam. Ixdem annect-a asmi i εeddan 47 iseggasen segmi i gfukk lemqam s lebni. Σeddan 13 iseggasen nniḍen, Naḥamya iεawen At Isṛayil di lebni n leṣwar ihudden n Yarucalim. Aḥric wis xemsa a d-yeḥku 152 iseggasen n wayen yeḍran di zzman aqdim.

Σazra d wegdud ţẓallan