Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Tiqsiḍin n Wedlis Iqedsen

Aḥric wis 2: Seg uḥemmal n waman ar leslak si Maṣer

Aḥric wis 2: Seg uḥemmal n waman ar leslak si Maṣer

Ḥaca tmanya yemdanen i gmenεen seg uḥemmal-nni n waman, lameεna kra kra uγalen d luluf. Seg uḥemmal n waman ar tlalit n Abṛaham (Ibṛahim) εeddan 352 iseggasen. A nwali amek i geṭṭef Ṛebbi lemεahda-s asmi i gefka aqcic i Abṛaham. Aqcic-agi isem-is Isḥaq. Yuγal Isḥaq yesεa-d sin warrac; d win yeţţusemman Yeεqub i gextaṛ Ṛebbi.

Yeεqub yesεa tawacult tameqrant n 12 n warrac d kra n tullas. Σecṛa seg warrac-agi keṛhen Yusef, gma-tsen amecṭuḥ. Ihi, zzenzen-t akken ad yuγal d akli di Maṣer. Iεedda kra n lweqt, Yusef yuγal d aneḥkam ameqran di Maṣer. Asmi i d-yeγli laẓ iṣeεben, Yusef ijeṛṛeb atmaten-is akken ad iwali ma beddlen wulawen-nsen neγ ala. Γer taggara, tawacult meṛṛa n Yeεqub, yeεni At Isṛayil (Isṛail), tṛuḥ γer Maṣer. Si tlalit n Abṛaham ar wass ideg i ṛuḥen εeddan 290 iseggasen.

At Isṛayil εacen di Maṣer 215 n sna. Asmi i gemmut Yusef, uγalen d aklan dinna. Umbeεd ilul-ed Musa i gessexdem Ṛebbi akken a d-isellek At Isṛayil si Maṣer. Aḥric wis sin a d-yeḥku 857 iseggasen n wayen yeḍran di zzman aqdim.

Tawacult n Yeεqub tţeddu γer Maṣer