Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Tiqsiḍin n Wedlis Iqedsen

Taqsiṭ tis 9: Nuḥ yebna yiwen lbabuṛ

Taqsiṭ tis 9: Nuḥ yebna yiwen lbabuṛ
Lγaci ţmesxiṛen γef Nuḥ

NUḤ yesεa tameṭṭut d tlata warrac. Ismawen n warrac-agi d Cim, Ḥam akk-d Yifit. Zewǧen i tlata. Swakka, Nuḥ ţ-ţwacult-is meṛṛa llan di tmanya yid-sen.

Yiwen wass, Ṛebbi yenna i Nuḥ ad ixdem yiwet n lḥaǧa issewhamen. Yumeṛ-as ad ibnu yiwen lbabuṛ annect-ila-t ara yesεun ṣṣifa n usenduq ameqran. Yenna-yas Ṛebbi: ‘Bnu leεli amezwaru, wis sin akk-d wis tlata, tferqeḍ-ten ţ-ţixxamin.’ Tixxamin-agi ad ilint i Nuḥ ţ-ţwacult-is, i lḥiwan d lqut ara ḥwiǧen.

Ṛebbi yenna daγen i Nuḥ ad yesleγ lbabuṛ-nni akken ur t-keččmen ara waman. Ṛebbi yenna-d: ‘Aql-i a d-sseγliγ aḥemmal n waman ameqran w’ad ssengreγ ddunit meṛṛa. Win ur neţţili ara di lbabuṛ-agi ad immet.’

Nuḥ d warraw-is uγen awal i Yahwa, ssyin bdan lebni. Lameεna, lγaci ţmesxiṛen fell-asen, ggumman ad beddlen. Nuḥ ixebbeṛ-iten γef wayen ara yexdem Ṛebbi. Lameεna ulac win i t-yumnen.

Tawacult n Nuḥ tessekcem lḥiwan d lqut γer lbabuṛ-nni

Nuḥ d warraw-is sεeddan aṭas n lweqt di lebni n lbabuṛ-nni axaṭer meqqer nezzeh. Iεedda acḥal d aseggas d wamek i fukken lebni-nni. Tura, Ṛebbi yeḍleb i Nuḥ ad issekcem lḥiwan γer lbabuṛ-nni. Yenna-yas ad iddem tayuga si kra kan n leṣnuf n lḥiwan, mkul dkeṛ s nnta-s. Lameεna si leṣnuf nniḍen, yenna-yas ad iddem sebεa seg-sen. Ṛebbi yenna diγen i Nuḥ ad issekcem leṣnuf meṛṛa n yefṛax. Nuḥ ixdem ayen akk i s-d-yumeṛ Ṛebbi.

Γer taggara, Nuḥ ţ-ţwacult-is kecmen ula d nutni γer lbabuṛ-nni, dγa yeγleq Ṛebbi tawwurt. Nuḥ ţ-ţwacult-is ţṛaǧun zdaxel. Xayel aql-ak telliḍ daxel n lbabuṛ-nni yerna teţṛaǧuḍ yid-sen. Dγa ţ-ţideţ a d-yas uḥemmal n waman akken i t-id-yenna Ṛebbi?

Laṣel n ddunit 6:9-22; 7:1-9.



Isteqsiyen

  • Acḥal n iεeggalen i gellan di twacult n Nuḥ, yerna amek i ţţusemman tlata warrac-is?
  • Anta lḥaǧa yessewhamen i geḍleb Ṛebbi i Nuḥ a ţ-yexdem, yerna acuγer?
  • Acu i xedmen lγaci mi sen-yehdeṛ Nuḥ γef lbabuṛ-nni?
  • Acu i gumeṛ Ṛebbi i Nuḥ γef wayen yeεnan lḥiwan?
  • Mi yeγleq Ṛebbi tawwurt n lbabuṛ-nni, acu i xedmen Nuḥ ţ-ţwacult-is?

Isteqsiyen nniḍen

  • Γer Laṣel n ddunit 6:9-22.

    Acu yerran Nuḥ d aqeddac igerrzen n Ṛebbi n ṣṣeḥ? (Laṣel 6:9, 22)

    Acu yeţxemmim Yahwa γef leqher? Amek ara γ-yawi waya akken a nḥader γef lxetyaṛ-nneγ di zzhu? (Laṣel 6:11, 12; Ahel. 11:5)

    Amek i nezmer a nεaned Nuḥ m’ara γ-d-tefk tuddsa n Yahwa lewṣayat? (Laṣel 6:22; 1 Yuḥ. 5:3)

  • Γer Laṣel n ddunit 7:1-9.

    Amek i neţţuṣebber imi neẓra Yahwa yeḥseb Nuḥ d aḥeqqi γas akken d amednub i gella? (Laṣel 7:1; Lem. 10:16; Icεa. 26:7)