Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Tiqsiḍin n Wedlis Iqedsen

Taqsiṭ tis 2: Lǧennet icebḥen

Taqsiṭ tis 2: Lǧennet icebḥen

MUQEL tura lqaεa! Acḥal i tecbeḥ! Wali leḥcic, ijeǧǧigen, ttjuṛ d lḥiwan meṛṛa. Tzemreḍ a d-tessekneḍ lfil akk-d yizmawen?

Lḥiwan di leǧnan n Σidin

Ansi i d-ikka leǧnan-agi icebḥen? Uqbel a nwali annect-a, a nẓer amek i γ-d-ihegga Ṛebbi lqaεa.

Di tazwara Ṛebbi yessemγi-d leḥcic γef lqaεa. Ixleq-ed yal ṣṣenf n yemγan imecṭaḥ, n inijel d ttjuṛ. Tizzegzewt-agi meṛṛa tcebbeḥ lqaεa yerna tefka-yaγ-d ula d lfakyat ẓiden.

Umbeεd, Ṛebbi ixleq-ed iḥutiwen yeţεumun deg waman yerna-d ifṛax yeţferfiren deg igenni. Ixleq-ed iqjan, imcac, iεawdiwen d lḥiwan meṛṛa nniḍen. Anwi lḥiwan i gellan anda i teţεiciḍ? Annect-agi meṛṛa i nekni iwumi i t-id-ixleq Ṛebbi. Mačči d ayen i γ-issefṛaḥen?

Γer taggara, Ṛebbi yerra yiwen wemḍiq γef lqaεa d amkan ur necbi wayeḍ. Isemma-yas leǧnan n Σidin. D leǧnan itεeddan! Ayen akk yellan deg-s icbeḥ aṭas. Ṛebbi yebγa lqaεa meṛṛa aţ-ţuγal am leǧnan-agi ifazen.

Lameεna, muqel ţţeswiṛa-yagi tikkelt nniḍen. Ṛebbi iwala belli txuṣṣ yiwet n lḥaǧa di leǧnan-agi. Teẓriḍ d acu-ţ?

Laṣel n ddunit 1:11-25; 2:8, 9.



Isteqsiyen

  • Amek i ghegga Ṛebbi lqaεa akken a nizmir a nεic fell-as?
  • Ader-ed kra n lḥiwan ger wid i d-ixleq Ṛebbi. (Wali ţţeswiṛa.)
  • Acuγer leǧnan n Σidin d amkan ur necbi wayeḍ?
  • Amek i gebγa Ṛebbi aţ-ţuγal lqaεa meṛṛa?

Isteqsiyen nniḍen

  • Γer Laṣel n ddunit 1:11-25.

    Acu i d-yexleq Ṛebbi deg wass wis tlata? (Laṣel 1:12)

    Acu i yeḍran deg wass wis ṛebεa? (Laṣel 1:16)

    Anwi leṣnuf n lḥiwan i d-yexleq Ṛebbi ass wis xemsa d wis seţţa? (Laṣel 1:20, 21, 25)

  • Γer Laṣel n ddunit 2:8, 9.

    Efk-ed ismawen n snat-nni n ttjuṛ yemxalafen γef tiyaḍ, i d-issemγi Ṛebbi di lǧennet. Acu i d lmeεna-nsent?