Ṛuḥ ɣer wayen yellan deg-s

Ṛuḥ ɣer wegbur

Aḥric amezwaru: Si txelqit ar uḥemmal n waman

Aḥric amezwaru: Si txelqit ar uḥemmal n waman

Ansi i d-kkan igenwan d lqaεa? Amek i d-yeflali yiṭij, wagur d yetran d wayen akk yellan γef lqaεa-nneγ? Akken i d-yura deg Wedlis Iqedsen, d Ṛebbi i d-ixelqen annect-agi meṛṛa. Γef waya ara nebdu taktabt-a s teḥkayin yeεnan taxelqit.

Lexliqat (lxuluq) timezwura n Ṛebbi ur tent-neţwali ara. Cubant γur-es, lameεna di kra n leḥwayeǧ kan. Lexliqat-agi d lmalayekkat. Lqaεa, neţţat, Ṛebbi ixleq-iţ-id i lεibad am nekni. Ṛebbi ixleq-ed Adam (Adem) d Ḥewwa, yuγal issers-iten deg yiwen n leǧnan (tebḥirt) ifazen. Lameεna ur s-uγen ara awal, γef wayagi i ten-id-issufeγ syenna.

Seg wass n txelqit ar uḥemmal n waman εeddan 1656 iseggasen. Di lweqt-nni, εacen waṭas n yemcumen. Deg igenni, llant lexliqat ur neţwali ara s wallen, yeεni Cciṭan d lmalayekkat-is n diri. Γef lqaεa, yella Kayin d waṭas n yemcumen nniḍen, gar-asen lεibad yesεan lǧehd ameqran. Lameεna llan daγen yergazen yelhan am Habil, Ḥanux (Idris) akk-d Nuḥ. Deg weḥric amezwaru, a d-nemmeslay γef yemdanen-agi meṛṛa d wayen yeḍran di zzman-nni.

Lḥiwan di leǧnan n Σidin