Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Ṛuḥ ɣer wegbur

Inagan n Yahwa

Taqbaylit

Acu yesselmad s ṣṣeḥ Wedlis Iqedsen?

 TIMERNA

Ilaq-​aɣ a nxeddem leεyudat?

Ilaq-​aɣ a nxeddem leεyudat?

XILLA n leεyudat, ama cuddent ɣer ddin ama ur cuddent ara, ţεeggiden-​tent ass-​a deg waṭas n imeḍqan di ddunit. Lameεna, ur d-​kkint ara seg Wedlis Iqedsen. Ansi i d-​usant ihi? Ma teţţunefk-​ak tegniţ aţ-​ţkecmeḍ ɣer yiwet n temkarḍit (tazeqqa ideg i ssexzanen tiktabin), aţ-​ţafeḍ d acu i d-​qqaren yedlisen yesεan azal ɣef leεyudat yeţwassnen di lǧiha anda i tzedɣeḍ. A d-​nẓer kra n lemtul.

 Tafaska. Amawal yeţţusemman The Encyclopædia Britannica yenna-​d: “Ur neţţaf ara yakk aεegged n Tfaska [...] di Lεahd Ajdid.” Ansi i d-​tekka lεid-​agi n Tfaska? Tekka-​d si ddyanat ideg i ţεebbiden iṛebbiten. Tafaska iɣef i d-​nheddeṛ dagi ţ-​ţin i ţεeggiden kra n medden bac a d-​smektin ḥeggu n Σisa si lmut; lameεna leεwayed icudden ɣur-​es ur d-​kkint ara si ddin amasiḥi. Di lemtel, amawal umi qqaren The Catholic Encyclopedia yenna-​d ɣef wayen yeεnan “awtul n Tfaska”, i geţwassnen mliḥ: “Awtul [yesεa lqima] ɣer ddyanat ideg i ţţeεbaden iṛebbiten, yerna si zik iţmettil-​ed tarrawt [afukti].”

Aseggas Ajdid. Ass ideg i ţεeggiden Aseggas Ajdid akk-​d leεwayed icudden ɣur-​es mxallafen si tmurt ɣer tayeḍ. Atan d acu i d-​issefhem yiwen umawal (The World Book Encyclopedia) ɣef laṣel n lεid-​agi: “Deg useggas 46 uqbel Σisa, lḥakem aṛumani Yulyus Qayṣer yeqsed ad yerr ass amezwaru n waggur n yennayer d Ass Amezwaru n Useggas. Iṛumaniyen ţbuddun ass [amezwaru n yennayer] i Yanus, aṛebbit n tewwura d wayen akk i gbeddun. Yennayer yewwi-​d isem-​is si Yanus; aṛebbit-​agi yesεa sin wudmawen: yiwen yezzi ɣer zdat wayeḍ ɣer deffir.” Ihi, lεaddat i gcudden ɣer Useggas Ajdid kkant-​ed si ddyanat ideg i ţεebbiden iṛebbiten.

Haluwin. Yura deg wedlis yeţţusemman The Encyclopedia Americana: “Kra si leεwayed n Haluwin zemrent ad ilint cuddent ɣer yiwet n tmeɣra [i llan xeddmen-​ţ lmuqeddmin n Isaltiyen] uqbel zzman n Lmasiḥ. Isaltiyen xeddmen tameɣra ɣef ddemma n sin iṛebbiten imeqranen: aṛebbit iṭij akk-​d uṛebbit n lmeggtin [...]. Xeddmen tameɣra-​ya ass amezwaru si wambeṛ, i gellan d ass amezwaru n useggas ajdid n Isaltiyen. Lεid n wid yemmuten tekcem-​ed cwiṭ cwiṭ ɣer leεwayed n ddin amasiḥi.”

Leεyudat nniḍen. Ur nezmir ara a d-​nehdeṛ ɣef leεyudat meṛṛa yellan di ddunit. Acu kan, tid yeţţaken ccan i lεibad, neɣ i tuddsiwin n lεibad, ur εǧibent ara i Yahwa. (Irmiya 17:5-7; Lecɣal 10:25, 26) Ur teţţu ara daɣen belli lεid icudden ɣer ddin tezmer a s-​teεǧeb i Ṛebbi, neɣ ur s-​teţţeεǧab ara, εlaḥsab n laṣel-​is. (Icεaya 52:11; Aweḥḥi 18:4) Imenzayen n Wedlis Iqedsen, yellan deg yixef wis 16, a k-εiwnen daɣen aţ-​ţfehmeḍ amek i geţwali Ṛebbi acarek di leεyudat n ddunit.