Nwala belli xilla seg wid yesεan yakan ddin ḥemmlen ad hedṛen ɣef Wedlis Iqedsen. Yerna ur neţḥettim ula d yiwen ad iḥess i lexbaṛ-nneɣ. Nesteεṛef belli yal amdan yesεa lḥeqq ad yamen s wayen i s-ihwan.

M’ara nheddeṛ d walbeεḍ ɣef ddin, nxeddem lmeǧhud akken a nheddeṛ s “leḥnana [d] leqder”, akken i ɣ-t-id-iḍleb Wedlis Iqedsen. (1 Buṭrus 3:16) Neεlem belli kra n lεibad kan ara iqeblen lexbaṛ-nneɣ, mačči yakk. (Matta 10:14) Meεna, skud ur nehdiṛ ara i walbeεḍ, ur nezmir ara a nẓer d acu i geţxemmim. Yerna, neεlem belli liḥala n medden teţbeddil.

Kra n yemdanen ţţilin ceɣlen ass ideg ara nṛuḥ a ten-id-nẓer, meεna ur ţţilin ara ceɣlen ass nniḍen. Llan daɣen kra n medden i d-iţεeddayen di cceddat neɣ i geţεicen liḥalat ţ-ţijdidin, ţţuɣalen ţţarran ddehn-nsen ɣer Wedlis Iqedsen. Daymi i neţṛuḥu aṭas iberdan bac a d-nẓer lεibad deg yexxamen-nsen.