Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Inagan n Yahwa

Taqbaylit

Amek i tesɣarayem Adlis Iqedsen?

Amek i tesɣarayem Adlis Iqedsen?

Inagan n Yahwa sɣarayen Adlis Iqedsen i medden. Di tɣuri-yagi, sselmaden-asen xilla n temsal, gar-asent:

  • Anwa i d Ṛebbi?

  • Ṛebbi yeţḥebbiṛ s ṣṣeḥ fell-i?

  • Amek ara wennεeɣ akteṛ zzwaǧ-iw?

  • Amek i zemreɣ ad afeɣ sseεd?

Atan leǧwab ɣef yesteqsiyen i zgan ţţaken-ten-id medden ɣef wamek i nesɣaray Adlis Iqedsen:

Amek i txeddmem? A nextiṛ qbel ayen iɣef ara d-nehdeṛ, di lemtel “Ṛebbi” neɣ “zzwaǧ”. Mbeεd, a d-nɣer deg Wedlis Iqedsen kra n yefyar i d-iheddṛen ɣef temsalt-agi w’a ten-nessemqabel wway gar-asen. Asenqed-agi yeţεawan-aɣ a nissin ayen yesselmad Wedlis Iqedsen ɣef temsalt-a. Swakka, Adlis Iqedsen yessefham-ed iman-is s yiman-is.

Nessexdam tazmamt yeţţusemman Acu yesselmad s ṣṣeḥ Wedlis Iqedsen?, i gellan d ţţawil iṣelḥen i uselmed n Wedlis Iqesden. Tazmamt-a tessefham-ed akken ilaq ayen i d-iqqar s ṣṣeḥ Wedlis Iqedsen ɣef Ṛebbi, ɣef Σisa, ɣef wayen i geţṛaǧun imdanen ɣer zdat, d wayen nniḍen.

S wacḥal i tesɣarayem Adlis Iqedsen? Nesɣaray Adlis Iqedsen baṭel yerna ur teţxelliṣeḍ ara tizmamin-nneɣ n uselmed.

Acḥal n lweqt i teţţaṭṭaf yiwet n tɣuri n Wedlis Iqedsen? Aṭas i d-iεezzlen azal n ssaεa mkul smana. Lameεna, lweqt i nesεedday di leqraya yezmer ad ibeddel. Nezmer a nɣer εlaḥsab n lweqt i tesεiḍ.

Lukan, di lemtel, a wen-d-ḍelbeɣ a yi-tesseɣrem Adlis Iqedsen, amek ara txedmem? Yiwen n Inigi n Yahwa a d-yas a k-iẓer melmi i tebɣiḍ, anda i tebɣiḍ. A k-d-issenεet di kra n ddqayeq amek i nesɣaray Adlis Iqedsen. Ma yeεǧeb-ak lḥal, tzemreḍ aţ-ţkemmleḍ akken.

Ma yella qebleɣ ad ɣreɣ Adlis Iqedsen, eεni bessif fell-i ad uɣaleɣ d Inigi n Yahwa? Xaṭi. Nḥemmel a nesɣer Adlis Iqedsen i lɣir-nneɣ, meεna ur neţḥettim ula d yiwen ad yuɣal d Inigi n Yahwa. Nesskanay ayen i d-iqqar Wedlis Iqedsen, meεna nesteεṛef belli mkul yiwen yesεa lḥeqq ad yextiṛ ddin i s-iεeǧben.—1 Buṭrus 3:15, 16.