Ih, neţţamen s Ɛisa. “[Ɛisa] d abrid, ţ-ţideţ, ţ-ţudert. Yiwen ur iţɛeddi ɣer Ubabat, siwa [yis].” (Yuḥenna 14:6) Neţţamen belli Ɛisa yusa-d seg igenni ɣer lqaɛa yerna yefka tudert-is ikemlen d asfel bac a d-icafeɛ imdanen. (Matta 20:28) S lmut-is akk-d ḥeggu-ines, ad izmiren lɛibad ad ɛicen i lebda; awi-d kan a d-beggnen belli umnen yis. (Yuḥenna 3:16) Neţţamen daɣen belli Ɛisa atan ass-a d Agellid n Tgelda n Ṛebbi deg igenni, yerna tagelda-yagi ur teţɛeṭṭil ara a d-terr lehna sufella n lqaɛa kamel. (Aweḥḥi 11:15) Acu kan, Ɛisa yenna-d ɛinani: “Ababat yugar-iyi.” (Yuḥenna 14:28) Ibeggen-ed akka belli mačči d neţţa i d Ṛebbi Anezmar. Daymi ur t-neţţeɛbad ara.