Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Inagan n Yahwa

Taqbaylit

Ayɣer Inagan n Yahwa ur ssexdamen ara ameslay “tamezdayt” m’ara d-hedṛen ɣef imukan-nsen n leεbada?

Ayɣer Inagan n Yahwa ur ssexdamen ara ameslay “tamezdayt” m’ara d-hedṛen ɣef imukan-nsen n leεbada?

Ameslay n tyunanit i geţwaṭerjmen di kra n yefyar n Wedlis Iqedsen “tamezdayt”, lmeεna-s tarbaεt n lεibad i geţnejmaεen bac ad εebden Ṛebbi, mačči axxam-nni ideg i ţnejmaεen.

Asmi yekteb wemceggeε Bulus tabṛaţ i imasiḥiyen n Ṛuma, iceggeε sslam i yiwen wergaz ţ-ţmeṭṭut-is, Akila akk-d Briska, yerna yenna: “Sellmet daɣen ɣef tmezdayt yeţţilin deg wexxam-nsen.” (Iṛumaniyen 16:5) Bulus ur iceggeε ara sslam i leḥyuḍ n wexxam, meεna i yemdanen. Yeqsed ad isellem ɣef imasiḥiyen i gellan ţnejmaεen deg wexxam-nni. *

Daymi, m’ara d-nebder imukan-nneɣ n leεbada neqqar-ed “Tazeqqa n Tgelda”, ur d-neqqar ara “tamezdayt.”

Iwacu “Tazeqqa n Tgelda n Inagan n Yahwa”?

Isem-agi iwulem. Atentah kra n ssebbat:

  • Axxam-agi ţ-ţazeqqa, yeεni d amkan n unejmuε.

  • Neţnejmaε deg-s bac a neεbed Yahwa, Ṛebbi iɣef i d-iheddeṛ Wedlis Iqedsen, w’a s-nerr lεaḍima.—Ahellil 83:19; Icεaya 43:12.

  • Neţnejmaε daɣen bac a d-nelmed akteṛ ɣef Tgelda n Ṛebbi iɣef i gella iheddeṛ Σisa.—Matta 6:9, 10; 24:14; Luqa 4:43.

Neṭṭalab-ak seg wul aţ-ţṛuḥeḍ a d-teẓreḍ yiwet n Tzeqqa n Tgelda iqerben axxam-ik w’aţ-ţwaliḍ amek i ţwaxdamen inejmuεen n Inagan n Yahwa.