Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Inagan n Yahwa

Taqbaylit

Acuɣer Inagan n Yahwa ur ţεeggiden ara Tafaska?

Acuɣer Inagan n Yahwa ur ţεeggiden ara Tafaska?

Ayen i ţxemmimen waṭas n medden

Qqaren-d: Ur teţεeggidem ara Tafaska axaṭer ur tellim ara d imasiḥiyen.

Di tin n ṣṣeḥ: Neţţamen belli Σisa d Amsellek-nneɣ, yerna nxeddem lmeǧhudat imeqranen iwakken “[a neddu] di lǧeṛṛa-s.”1 Buṭrus 2:21; Luqa 2:11.

Qqaren-d: Ur teţţamnem ara belli Σisa yeḥya-d si lmut.

Di tin n ṣṣeḥ: Neţţamen s ḥeggu n Σisa. Ar ɣur-neɣ, ayagi d lsas n liman amasiḥi. Daɣneţţa, ula m’ara neţberriḥ lexbaṛ n lxiṛ, neţmeslay ɣef wazal i gesεa wannect-a.—1 Ikurintiyen 15:3, 4, 12-15.

Qqaren-d: Teţḥeṛṛimem arraw-nwen si lewqat n lfeṛḥ i geţţilin di Tfaska, yerna ur wen-d-tewqiε ara lmeεna deg wannect-a.

Di tin n ṣṣeḥ: Nḥemmel arraw-nneɣ. Nxeddem ayen akk umi i nezmer bac a sen-nefk ţṛebga yelhan. Yerna nebɣa s ṣṣeḥ ad ilin d iseεdiyen.—Titus 2:4.

Acuɣer ur ţεeggiden ara Inagan n Yahwa Tafaska?

  • Lεid n Tfaska ur d-tekki ara seg Wedlis Iqedsen.

  • Σisa yeḍleb a d-ţmektayen lmut-is, mačči ḥeggu-ines. D ayen i nxeddem yal aseggas, m’ara d-yaweḍ wass n wesmekti n lmut-is. Nxeddem-it εlaḥsab n uwitay i ssexdamen di zzman n Wedlis Iqedsen, ireṣṣan ɣef leḥsab n wussan ideg i d-iţban waggur deg igenni.—Luqa 22:19, 20.

  • Neţţamen belli Ṛebbi ur iqebbel ara lεid n Tfaska, axaṭer leεwayed-is kkant-ed si leεwayed tiqdimin icudden ɣer tarrawt. Ṛebbi yebɣa a ‘neţţaṭṭaf ala deg-s.’ Ihi, ma nessekcem leεwayed ur s-neεǧib ara ɣer leεbada-ines, ayagi a t-yesserfu.—Tuffɣa 20:5, Ṭrejma n ddunit tajdiṭ (s tṛumit); 1 Igelliden 18:21.

Netḥeqqeq belli leqrar i neṭṭef akken ur neţεeggid ara Tafaska ireṣṣa ɣef Wedlis Iqedsen. Adlis-agi yeţweṣṣi-yaɣ a nesεu “lekyasa” akk-d “leεqel” mačči a netbeε leεwayed n yemdanen mebla ameyyez. (Lemtul 3:21; Matta 15:3) Nheddeṛ ɣef leḥwayeǧ is i neţţamen yeεnan Tafaska m’ara ɣ-d-yesteqsi walbeεḍ. Acu kan, neţqadar yal amdan m’ara yeṭṭef leqrar di temsalt-agi.—1 Buṭrus 3:15.