Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Inagan n Yahwa

Taqbaylit

Agraw n useggas yewweḍ ɣer lqern n ddunit s Internet

Agraw n useggas yewweḍ ɣer lqern n ddunit s Internet

Ass n ssebt 5 tubeṛ 2013, ḥedṛen 257 294 yemdanen, di 21 tmura, i wegraw n useggas. Agraw-agi d wis 129 i texdem Watch Tower Bible and Tract Society of Pennsylvania. Llan wid i gḥedṛen i wahil dinna, anda i geţwaxdem wegraw, llan wid umi i gelḥeq s Internet imiren kan. Llan daɣen Inagan i gfeṛṛǧen agraw-agi umbeεd, ɣer taggara n smana, mi εawden sεeddan-t-id. Yewweḍ leḥsab n wid meṛṛa i gwalan agraw-agi ɣer 1 413 676 di 31 tmura. Agraw n useggas-nni d anejmuε yugaren akk wid i xedmen Inagan n Yahwa si zik ar ass-a. Anejmuε akk ameqran i d-yellan uqbel-is yeţwaxdem di 28 yebrir 2013 di Miksik akk-d Marikan talemmast; ass-nni yessaweḍ leḥsab n imeḥdaṛ ɣer 1 327 704.

Azal n 90 n sna ayagi segmi i bdan ssexdamen Inagan n Yahwa ţţawil n tilifun akk-d ṛṛadyu akken ad ssiwḍen ɣer ddunit meṛṛa ahil n inejmuεen-nsen imeqranen. Ass-a, s Internet, ula d wid i gzedɣen deg imukan iḍerrfen zemren ad slen w’ad feṛṛǧen albeεḍ n tedyanin imiren kan m’ara teţwaxdem, neɣ cwiṭ n lweqt umbeεd. Di 1942, yiwen Inigi si Marikan umi qqaren William, iḥess s tilifun i yiwen unejmuε ameqran i xedmen Inagan n Yahwa di Ričmend (Birjinya, Marikan). Di 2013, yeḥdeṛ i unejmuε n useggas s Internet. Atan wacu i d-yenna: “Nesfayday akteṛ seg uselmed m’ara nsell i ṣṣut yerna neţwali ţţeswiṛat. Amzun neffeɣ si ṭṭlam ɣer tafat!”

Iwaziwen n kra n lbiruwat iɣelnawen n Inagan n Yahwa qedcen kteṛ n useggas bac ad heggin amek ara ssiwḍen agraw-agi s Internet ɣer imukan nniḍen; d luluf n sswayeε i sεeddan di lxedma-ya. Ass ideg yeţwaxdem wegraw n useggas, ɣer taggara n smana, itiqniyen bedden akken ilaq ɣer ţţawil n usεeddi n wahil d usiweḍ-ines si Bruklin (Nuyuṛk) ɣer imeḍqan nniḍen. Bedden ɣer ccɣel-agi iḍ d wass, axaṭer ur εdilent ara sswayeε ger tmura ideg i llan wid i gtebεen ahil n wegraw s Internet. Ryan, i gţekkan deg usewǧed akk-d uceggeε s Internet, yenna-d: “Ur neṭṭiṣ ara, meεna m’ara d-nemmekti belli xilla n medden i gessawḍen ad stenfεen seg wegraw, neqqar-as belli stahlen a neεteb fell-asen.”

Asiweḍ n wegraw n useggas s Internet ɣer Katrin (Tama n Ufella, Usṭralya).