Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Inagan n Yahwa

Taqbaylit

Hungarya: Inagan n Yahwa ţţucekkṛen imi ţekkan di lecɣal yeεnan lemḥadra seg iḥemmalen n waman

Hungarya: Inagan n Yahwa ţţucekkṛen imi ţekkan di lecɣal yeεnan lemḥadra seg iḥemmalen n waman

Di yunyu 2013, ɣlin-d igefran d imeqranen armi i d-faḍen isaffen di Luṛub talemmast. Di Hungarya, asif n Danub yuli-d deg waṭas n imukan akteṛ akk n zik.

Imi liḥala tebda teţţiwεiṛ, aɣlif yeεnan ixeddamen di Hungarya yeḍleb i lbiru aɣelnaw n Inagan n Yahwa ma zemren a d-fken afus n lemεawna deg wayen ara yeţwaxedmen bac ur d-teţţili ara lexsaṛa εlaǧal n iḥemmalen n waman. Lbiru aɣelnaw iweṣṣa ihi tijemmuyaε n Inagan yellan rrif n wasif n Danub ad ţekkint di lecɣal i d-heggan yemḍebbren n lḥukuma n leǧwayeh-nni i lmend n useḥbiber ɣef wemḍiq-agi.

Ayen i xedmen Inagan yessewham aṭas. Deg wussan i d-itebεen, εeddan i 900 Inagan n 72 tjemmuyaε i gefkan lemεawna bac a d-ssalin leryuf n wasif akken ur d-iţfaḍ ara. Yeţwaḍleb-asen ad εellqen lkarṭat iɣef yeţwakteb “Inagan n Yahwa”, ismawen-nsen akk-d temdinin ansi i d-usan.

Yiwen uεeggal si tuddsa yeţεawanen lεibad, yeţţusemman “la Croix-Rouge” n tmurt n Hungarya, yura imeslayen-agi i yiwet n tejmaεt n Inagan: “Nebɣa a ken-ncekkeṛ yerna a wen-d-nesbeggen leqder d ameqran: ur nẓerr ara daymen tadukli am tagi neɣ imdanen yeţsebbilen iman-nsen am kenwi, mebla ma nemmeslay-ed ɣef wayen i d-telḥam bac a d-tasem! S zzux ara d-bedreɣ lemtel-nwen yetεeddan di temdint-nneɣ.”

Aselway n yiwet n tuddsa n usellek, i gellan daɣen d aεeggal deg Wesqamu Aɣelnaw n Hungarya, yura tabṛaţ i lbiru aɣelnaw n Inagan n Yahwa bac a ten-icekkeṛ ɣef lemεawna-nsen.