Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Inagan n Yahwa

Taqbaylit

Aseḥbiber ɣef twennaṭ: ḥurben ɣef lḥiwan akk-d yemɣan di Waṛwik

Aseḥbiber ɣef twennaṭ: ḥurben ɣef lḥiwan akk-d yemɣan di Waṛwik

Inagan n Yahwa bdan lebni n lbiru-nsen amaḍlan ajdid di leǧwahi n Nuyuṛk, tama n temda tameqrant Sterling Forest. Amek i xeddmen bac ad sseḥbibren ɣef lḥiwan d yemɣan n lexla akk-d imeḍqan ideg i ţεicen?

Inagan n Yahwa ẓerrben-d amkan-agi ideg ara bnun bac ad qeḍεen i leṣnaf n ifekran akk-d izerman imeqranen yeţεicen dinna a d-kecmen, axaṭer zemren a ten-ḥazen m’ara xeddmen. Ţnadin dima ad ẓren ma yella ẓẓerb-agi yeqqim iṣeḥḥa. Asm’ara ifakk lebni a t-kksen. Ma yella ufan-d yiwen wass azrem iqerreb-ed ɣer wemkan-agi n lebni, a t-issebεed ssyinna walbeεḍ ara yilin yeḥfeḍ uqbel amek ara yexdem annect-a di ṭṭmana.

Aεeẓẓi.

Gezmen ttjuṛ di ccetwa bac ur ţḍurrun ara yiwen n ṣṣenf n uεeẓẓi di lweqt ideg i gbennu lεecc-ines. Asm’ara fakken Inagan lxedma, ad ssersen leεcuc dinna swayes ara d-jebden ifṛax a d-uɣalen.

Yerna, Inagan weṭṭan (sseεdlen akal), megglen kra n imeḍqan ger tubeṛ d meɣres iwakken aţ-ţefreq w’a d-temɣi zzerriεa n yiwet teḥcict i gebdan tnegger. Ayagi yeţwaxdem ɣas akken imɣi-yagi ur d-iban ara deg wemḍiq-nni yellan di Waṛwik seg useggas 2007.

Di temda tameqrant Sterling Forest, i d-yezgan rrif n wemḍiq-agi, llant kra n ccetlat n yefṛax n waman akk-d kra n ccetlat n iḥutiwen. Iwakken ad sseḥbibren ɣef temda-yagi, ijenyuṛen n lebni xtaṛen ad ssexdmen kra n ţţawilat n lebni yeţḥaraben ɣef twennaṭ. Di lemtel, qesden ad ẓẓun ɣef ssqef n lbaṭimat leḥcic ara iṣeffin aman n ugeffur si lewsex i d-iteddun deg-sen yerna ur xeddmen ara tiregwa. Xedmen daɣen ayen ilaqen bac ad ḥarben ɣef yemɣan yellan rrif n temda-yagi.

Yiwen Inigi i d-ilhan d weḥric-agi yeεnan aḥareb ɣef twennaṭ di lebni yenna-d: “Γas akken ccɣel-agi yeḥwaǧ ad iţţuheggi akken ilaq yerna yeţţaṭṭaf aṭas n lweqt, nekni neqsed a nḥareb ɣef lḥiwan d yemɣan yellan deg wemḍiq-agi n Waṛwik, ideg i nbennu.”