Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Inagan n Yahwa

Taqbaylit

As-ed aţ-ţeẓreḍ Bitil n Marikan

As-ed aţ-ţeẓreḍ Bitil n Marikan

Atan d acu i d-yenna yiwen wergaz ţ-ţmeṭṭut-is, n tmurt n Banwatu, mbeεd mi d-ẓran lbaṭimat n Inagan n Yahwa di Marikan:“Timeẓriwt-nni i d-neẓra Bitil, mazal necfa-yas ar ass-a. Ur nteţţu ara maḍi lewqat-nni!” Mkul aseggas, aṭas n luluf n lεibad i d-yeţţasen ad ẓren imeḍqan-agi, uyerna xilla seg-sen i geţḥussun am wergaz-agi ţ-ţmeṭṭut-is.

Tusiḍ-d yakan aţ-ţeẓreḍ Bitil n Marikan? Ma mazal ur k-teţţunefk ara tegniţ, neεreḍ-ik s leḥṛaṛa a d-taseḍ.

Acu ara twalim di tlata imeḍqan-nni?

Lbiru amaḍlan yellan di Waṛwik (Nuyuṛk). As-ed aţ-ţeẓreḍ, mebla amsaεef, tlata n temziknin-nneɣ. Yiwet si temziknin-agi teţţusemma “Adlis Iqedsen akk-d yisem n Ṛebbi”; aţ-ţafeḍ deg-s ṭrejmat n Wedlis Iqedsen ur nelli ara s waṭas yerna tessenεat-ed amek i geţwaḥrez yisem n Ṛebbi ar ass-a di Tira Iqedsen. Timzikent yeţţusemman “Yiwen wegdud i yisem n Yahwa” tessenεat-ed cwiṭ si ttarix n Inagan n Yahwa. Timzikent yeţţusemman “Amek i d-yeţban liman di lbiru amaḍlan” tessefham-ed amek i xeddmen Inagan n Yahwa bac ad ţnejmaεen, ad qqaren Adlis Iqedsen, ad heddṛen i wiyaḍ ɣef lexbaṛ n Wedlis Iqedsen w’a d-beggnen leḥmala i lɣir-nsen. Tezmer daɣen a k-id-tṣaḥ yiwet n tmeẓriwt s wemsaεef, yeţţaṭṭafen 20 ddqayeq, bac aţ-ţeẓreḍ lbaṭimat anda i llan lbiruwat akk-d leqdic yeţţuwekklen ɣef lmeḥwiǧat n temεict di Bitil akk-d lmelk (akal) i nekseb di Waṛwik.

Axxam n uselmed yellan di Baṭirṣun (Nuyuṛk). Ţwaxdamen dinna iɣerbazen, am Uɣerbaz n Gilεad ireṣṣan ɣef Wedlis Iqedsen, neɣ Aɣerbaz n iεeggalen n trebbuyaε iţwellihen Bitil akk-d tlawin-nsen. Kra n telwiḥin akk-d kra n bidyuwat a k-semmḥent aţ-ţeẓreḍ lecɣal yeţwaxdamen di leqdic n ţţeḍbir, di leqdic n tẓuri (lfenn) ideg iţekka leqdic n usemḥes d ufeṛṛeǧ.

Lemṭabεa akk-d leqdic n uceggeε yellan di Wulkil (Nuyuṛk). Di tmeẓriwt-agi ideg ara yili yid-ek wemsaεef, aţ-ţwaliḍ amek i d-ṭṭabaεen xilla n tektabin, d Adlis Iqedsen neɣ ţ-ţiktabin nniḍen ireṣṣan fell-as. Aţ-ţwaliḍ amek i sdukkulen iḥricen n tektabin-agi wway gar-asen d wamek i tent-tceggiεen i tjemmuyaε n Inagan n Marikan, n Antiyas akk-d tid yellan deg imeḍqan nniḍen di ddunit.

Amek ara d-tḍelbeḍ a k-d-neεzel ass i tmeẓriwt?

Uqbel a d-taseḍ aţ-ţeẓreḍ lbaṭimat-nneɣ di Marikan, ḍleb-aɣ-d, di leεnaya-k, a k-d-neεzel ass ideg ara d-taseḍ. Seǧǧel iman-ik deg usebter yeţţusemman Lbiruwat: lexbaṛat akk-d tmeẓriwt-nsen. Aţ-ţafeḍ daɣen deg usebter-agi lexbaṛat nniḍen yeεnan lbaṭimat n Bitil n Marikan; ɣef lemtel, imukan anda i d-zgan akk-d wacḥal n lweqt i teţţaṭṭaf mkul timeẓriwt.

Anwi i d imsaεfen?

D wid iqeddcen di Bitil-nni. Ţwalin belli m’ara saεfen lεibad akken a d-ẓren Bitil amzun d afus n lemεawna i ţţaken i ccɣel n uselmed n Wedlis Iqedsen di ddunit meṛṛa. Timeẓriwin-agi ţwaxdament deg wakteṛ n εecṛa lluɣat.

Acḥal i teswa yiwet n tmeẓriwt?

Baṭel.

Eεni ilaq aţ-ţiliḍ d Inigi n Yahwa iwakken a d-teẓreḍ imukan-agi?

Xaṭi. Xilla seg wid i d-iţţasen mačči d Inagan. Nessefham-ed d acu i geţwaxdamen akken ad yennerni leqdic n Inagan n Yahwa di ddunit meṛṛa ama i wid yellan d Inagan ama i wid ur nelli ara d Inagan.

Yiwet n tneslemt, laṣel-is si Lhend, mi d-tusa aţ-ţẓer lbaṭimat n Baṭirṣun, tewhem tenna-d: “Bɣiɣ nezzeh ad qqimeɣ dagi yid-wen! Ṣaḥḥit imi iyi-d-tesbeggnem annect-agi yakk n leqder.”

I warrac imecṭaḥ, zemren a d-asen?

Ih. Timeẓriwt-agi tezmer a sen-teεǧeb mliḥ. Yura-d John, yeţεicin di Marikan: “Segmi d-uɣalen warrac imecṭaḥ n terbaεt-nneɣ si tmeẓriwt n Bitil, nutni heddṛen fell-as. Uqbel, ur ẓrin ara amek iga leqdic di Bitil. Tura, bɣan ad uɣalen d iεeggalen n Bitil.”

Nezmer a nṛuḥ a nẓer lbaṭimat n Inagan n Yahwa di tmura nniḍen?

Anεam, ih. Tzemreḍ aţ-ţṛuḥeḍ a tent-id-teẓreḍ di xilla n tmura. Iwakken aţ-ţafeḍ ladrisat, ṛuḥ ɣer usebter “Lbiruwat iɣelnawen akk-d tmeẓriwt-nsen”. Neεreḍ-ik s leḥṛaṛa aţ-ţṛuḥeḍ a d-teẓreḍ yiwen si lbiruwat iɣelnawen n Inagan n Yahwa.