Ṛuḥ ɣer wayen yellan deg-s

Ṛuḥ ɣer wumuɣ amecṭuḥ

Inagan n Yahwa

Taqbaylit

Bidyuwat i d-yeţţawin lfeṛḥ

Bidyuwat i d-yeţţawin lfeṛḥ

“Amzun Yahwa yella yeţḥessis-ed i wulawen n imawlan.” Akka i d-yenna yiwen ubabat si Malizya mi d-yemmeslay ɣef bidyuwat-nni yeţţusemman Deviens l’ami de Jéhovah.

Seg wasmi i d-ffɣen yeḥricen imezwura, Inagan n Yahwa rnan-d wiyaḍ i d-yesskanayen Kalib akk-d twacult-is. Bidyuwat-agi yellan di jw.org, sselmadent i warrac imecṭaḥ ayen akk yesεan azal yeεnan tikli akk-d leḥwayeǧ n ṛṛuḥ. Ssefhament-ed ɣef lemtel acuɣer ur ilaq ara ad ţţakren neɣ amek ara ţẓallan i Ṛebbi.

Aḥric amezwaru yeffeɣ-ed yakan s 131 lluɣat, i lfayda n warrac n ddunit meṛṛa.

Amek i d-beggnen kra n lεibad belli ceṛhen s wannect-a

Yiwet n tyemmaţ yesεan xemsa n dderya tura-d: “Yeţţunefk-aɣ-d DVD L’obéissance est bénie ssmana iεeddan. Seg yimiren ar tura, nwala-t azal n xemsin tikkal.”

Millie, yiwet n teqcict n Legliz yesεan 12 n sna, tesεa yiwen n gma-s n 15 n sna yeţţusemman Thomas; gma-s-agi yesεa lehlak umi qqaren “trisomie”. Tenna-d: “Thomas yesεa bidyuwat n Kalib di iPad-ines. Akka, yezmer a tent-yessken i yemdukkal-is di llakul. Iḥemmel aṭas ccnawi yerna yeţţeεǧab i wiyaḍ m’ara yeţɣenni. Yiwet n weltma-tneɣ teţru mi s-tesla. D lewhayem.”

Ava, i d-yennan belli tesεa swaswa 8 snin, 9 cchuṛ d 25 wussan, tura-d: “Kalib d weltma-s ssnen mliḥ amek ara sselmden leḥwayeǧ i warrac imecṭaḥ.”

Mikaylah tura-d: “Sεiɣ seţţ snin. Ṣaḥḥit ɣef DVD L’obéissance est bénie. Yesseḥfaḍ-iyi ad ţḍuεuɣ imawlan-iw axaṭer ayagi iεǧeb-ass i Yahwa.”

Ayen yellan deg-sent yesεa lqima ţ-ţameqrant

Yiwen ilemẓi, ur nelli ara d Inigi n Yahwa, ixeddmen deg useǧǧel n bidyuwat, iwala aḥric yeţţusemmanC’est mal de voler. Yewhem mliḥ, abeεda mi s-nnan belli d yiwet terbaεt tamecṭuḥt i gxedmen ccɣel-agi. Atan wacu i d-yenna: “Ssneɣ lεibad i gxeddmen deg yexxamen n useǧǧel n bidyuwat n warrac imecṭaḥ. Tikwal qqareɣ-as wissen amek i tga lxedma deg imukan am wigi. Meεna, lxedma-nsen akk-d lmeǧhud-nsen yessawaḍ-iten ɣer taggara a d-ssufɣen leḥwayeǧ i d-yesseḍṣayen medden kra n sswayeε. D aya kan. Ma d bidyuwat-nwen, ţţaǧǧant-ed lateṛ deg warrac i tent-iẓerren. Sselmadent-asen d acu n lxilaf yellan ger lxiṛ akk-d cceṛ, yerna ţεawanent-ten bac ad ṭṭfen leqrarat yelhan. Ayen akka i txeddmem yesεa s ṣṣeḥ lmeεna. Yeţεawan imdanen.”

Imawlan yellan di ddunit meṛṛa wufqen-t. Yiwet n tyemmaţ tenna-d: “Quinn, mmi yesεan tlata iseggasen, iwala bidyu-nniÔ Jéhovah, qui sera ton ami ? Mi gwala azgen seg-s, idewweṛ-ed ɣur-i, yessers afus-is ɣef wul-is, yenna-yi-d: “Teẓriḍ a yemma, m’ara ţ-feṛṛǧeɣ, yeţţeεǧab-iyi lḥal.”