წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

ვინ ასრულებს იეჰოვას ნებას დღეს?

 გაკვეთილი 24

როგორ ფინანსდება ჩვენი საქმიანობა?

როგორ ფინანსდება ჩვენი საქმიანობა?

ნეპალი

ტოგო

ბრიტანეთი

ჩვენი ორგანიზაცია ყოველწლიურად გამოსცემს ბიბლიისა და მასზე დაფუძნებული პუბლიკაციების ასობით მილიონ ეგზემპლარს და სრულიად უსასყიდლოდ ავრცელებს. ჩვენ ვაშენებთ სამეფო დარბაზებსა თუ ფილიალებს და არც მოვლა-პატრონობას ვაკლებთ. გარდა ამისა, ათასობით ბეთელელისა თუ მისიონერის მატერიალურ მოთხოვნილებებზე ვზრუნავთ. ამასთანავე, დახმარებას ვუწევთ სტიქიური თუ სხვა უბედურებების დროს დაზარალებულებს. ამიტომ, შეიძლება იკითხოთ: „როგორ ფინანსდება ყოველივე ეს?“.

არ ვიხდით საწევრო გადასახადს, არც მეათედს, და არც ფულს ვკრეფთ. მართალია, ჩვენი სამქადაგებლო საქმიანობის დაფინანსებას დიდი თანხები სჭირდება, მაგრამ ჩვენ არ ვკრეფთ ფულს. ჯერ კიდევ საუკუნის წინათ ჟურნალ „საგუშაგო კოშკის“ მეორე ნომერში ნათქვამი იყო: „გვჯერა, რომ ჩვენი მხარდამჭერი იეჰოვაა და ამიტომ ადამიანებისგან არასდროს მოვითხოვთ მხარდაჭერას“. ეს მართლაც ასეა! (მათე 10:8).

ჩვენი საქმიანობა ნებაყოფლობითი შესაწირავებით ფინანსდება. ბევრი აფასებს ჩვენს ბიბლიურ საგანმანათლებლო საქმიანობას და მის მხარდასაჭერად შესაწირავებს იღებს. იეჰოვას მოწმეები თავადაც სიხარულით ახმარენ თავიანთ დროს, ენერგიასა თუ სახსრებს იმას, რომ ღვთის ნება შესრულდეს დედამიწაზე (1 მატიანე 29:9). სამეფო და საკონგრესო დარბაზებში არის შესაწირავების ყუთები, რათა მსურველებმა ნებაყოფლობით გაიღონ შესაწირავი. თანხას, რომელსაც ორგანიზაცია შესაწირის სახით იღებს, ძირითადად, ისინი სწირავენ, რომლებიც მდიდრები არ არიან. ეს ადამიანები მოგვაგონებენ ღარიბ ქვრივს, რომელიც იესომ შეაქო ორი პატარა მონეტის გაღებისთვის (ლუკა 21:1—4). ამიტომ, თითოეულს შეუძლია რეგულარულად გადადოს გარკვეული თანხა, „როგორც გულში გადაწყვიტა“ (1 კორინთელები 16:2; 2 კორინთელები 9:7).

დარწმუნებული ვართ, რომ იეჰოვა კვლავაც აღძრავს ადამიანებს, „პატივი მიაგონ [მას] თავიანთი ქონებიდან“, რათა მხარი დაუჭირონ სამეფო საქმეს და ამგვარად შეასრულონ ღვთის ნება (იგავები 3:9).

  • რით განსხვავდება ჩვენი ორგანიზაცია სხვა რელიგიებისგან?

  • როგორ ხდება ნებაყოფლობითი შესაწირავების გაღება?

გაიგეთ მეტი

ვიდეორგოლი: როგორ ფინანსდება იეჰოვას მოწმეების საქმიანობა?

გაიგე, როგორ ფინანსდება იეჰოვას მოწმეების საქმიანობა და როგორ ხდება შესაწირავების გაღება მთელს მსოფლიოში!

ჩვენი ჟურნალები

ჩამოტვირთეთ „საგუშაგო კოშკი“ და „გამოიღვიძეთ!“.