არჩეულ მასალაზე გადასვლა

დამატებით მენიუზე გადასვლა

სარჩევზე გადასვლა

იეჰოვას მოწმეები

ქართული

ვინ ასრულებს იეჰოვას ნებას დღეს?

 გაკვეთილი 25

რატომ და როგორ ვაშენებთ სამეფო დარბაზებს?

რატომ და როგორ ვაშენებთ სამეფო დარბაზებს?

ბოლივია

ძველი და ახალი სამეფო დარბაზი ნიგერიაში

ტაიტი

იეჰოვას მოწმეების შესაკრებელ ადგილს „სამეფო დარბაზი“ ეწოდება. ამ სახელწოდებიდანაც ჩანს, რომ ბიბლიის ძირითადი სწავლება ღვთის სამეფოს ეხება. სწორედ სამეფო იყო იესოს ქადაგების მთავარი თემა (ლუკა 8:1).

სამეფო დარბაზი ჭეშმარიტი თაყვანისცემის ცენტრია. სამეფო დარბაზი არის შენობა, სადაც იეჰოვას მოწმეები სამეფოს შესახებ სასიხარულო ცნობის ქადაგებას უწევენ ორგანიზებას (მათე 24:14). სამეფო დარბაზები ზომითა და დიზაინით ერთმანეთისგან განსხვავდება, მაგრამ ყველა დარბაზი სადა შენობაა და უმეტესობა მათგანს ერთზე მეტი კრება იყენებს. ბოლო რამდენიმე წლის განმავლობაში ჩვენ ავაშენეთ ათობით ათასი ახალი სამეფო დარბაზი (ყოველდღე საშუალოდ ხუთი), რადგან დღითი დღე იზრდება მაუწყებელთა რიცხვი. როგორ შევძელით ამდენი დარბაზის აშენება? (მათე 19:26).

სამეფო დარბაზების ასაშენებლად სპეციალური ფონდიდან გამოიყოფა თანხა. შეწირული თანხა ეგზავნება ფილიალს; ის იმ კრებებს გამოუყოფს ამ თანხას, რომელსაც ახალი სამეფო დარბაზის აშენება ან ძველის გადაკეთება ესაჭიროება.

სამეფო დარბაზებს სხვადასხვა წარმოშობის მოხალისე და-ძმები აშენებენ. ბევრ ქვეყანაში არის სამეფო დარბაზების სამშენებლო ჯგუფები. სამშენებლო ჯგუფის მსახურები და მოხალისეები თავიანთ ქვეყანაში ერთი კრების ტერიტორიიდან სხვა კრების ტერიტორიაზე გადადიან და ადგილობრივ და-ძმებს მშენებლობაში ეხმარებიან. სხვა ქვეყნებში სამშენებლო საქმეში გამოცდილი მოწმეები ხელმძღვანელობენ კრებას მთელი პროექტის განმავლობაში მშენებლობა-შეკეთების სხვადასხვა ეტაპზე; გარდა ამისა, მათ მშენებლობაში თავისი საქმის კარგად მცოდნე ხელოსანი და-ძმებიც ეხმარებიან. თითოეულ სამშენებლო ობიექტზე მოხალისეთა დიდ ნაწილს სწორედ ადგილობრივი კრების წევრები წარმოადგენენ. ასეთ მოკლე დროში ამდენი სამეფო დარბაზის აშენება იეჰოვას წმინდა სულის დახმარებითა და მისი მსახურების თავდაუზოგავი შრომის შედეგადაა შესაძლებელი (ფსალმუნი 127:1; კოლოსელები 3:23).

  • რატომ ეწოდება ჩვენი თაყვანისცემის ადგილს „სამეფო დარბაზი“?

  • როგორ შენდება ამდენი სამეფო დარბაზი მთელ მსოფლიოში?

გაიგეთ მეტი

კრების შეხვედრები

რას ემსახურება იეჰოვას მოწმეების სამეფო დარბაზი?

საკუთარი თვალით ნახეთ, რა ხდება იეჰოვას მოწმეების სამეფო დარბაზში.

ვინ ასრულებს იეჰოვას ნებას დღეს?

როგორ ტარდება იეჰოვას მოწმეების შეხვედრები?

გიფიქრიათ იმაზე, თუ როგორ ტარდება ჩვენი შეხვედრები? იქ მოსმენილი ბიბლიური სწავლებები თქვენზე წარუშლელ კვალს დატოვებს.