წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

ბიბლიური მოთხრობები

 მოთხრობა 11

პირველი ცისარტყელა

პირველი ცისარტყელა

იცი, რა გააკეთა ნოემ, როცა ოჯახთან ერთად კიდობნიდან გამოვიდა? მან შესაწირავი ანუ ძღვენი მიუტანა ღმერთს. ამის ნახვა ქვემოთ მოცემულ სურათზე შეგიძლია. მან მადლიერების ნიშნად ცხოველები შესწირა, რადგან ღმერთმა მისი ოჯახი წარღვნის დროს გადაარჩინა.

როგორ ფიქრობ, მოეწონა იეჰოვას ეს ძღვენი? რა თქმა უნდა. ის დაჰპირდა ნოეს, რომ წარღვნით აღარასოდეს გაანადგურებდა ქვეყნიერებას.

მალე მიწა გაშრა და ნოემ ოჯახთან ერთად კიდობნის გარეთ დაიწყო ცხოვრება. ღმერთმა აკურთხა ისინი და უთხრა: ‘იყოლიეთ შვილები, გამრავლდით და მთელი დედამიწის ზურგზე დასახლდით’.

იმ ადამიანებს, რომლებიც მოგვიანებით გაიგებდნენ წარღვნის შესახებ, შეიძლება შეშინებოდათ, რომ მსგავსი რამ განმეორდებოდა. ამიტომ ღმერთმა ადამიანებს ნიშანი მისცა, რითაც შეახსენებდა მათ, რომ დედამიწას აღარასოდეს გაანადგურებდა წარღვნით. იცი, რა იყო ეს ნიშანი? ცისარტყელა.

ცაზე ცისარტყელა მაშინ ჩნდება, როცა წვიმის შემდეგ მზე გამოანათებს ხოლმე. ცისარტყელას ლამაზი ფერები აქვს. გინახავს ის? ხედავ ცისარტყელას ამ სურათზე?

ღმერთმა თქვა: ‘გპირდებით, რომ ადამიანებსა და ცხოველებს აღარასოდეს გავანადგურებ წარღვნით. გამოვაჩენ ჩემს ცისარტყელას ღრუბლებში, დავინახავ მას და გავიხსენებ ჩემს დაპირებას’.

რა გაგახსენდება ამის შემდეგ ცისარტყელას დანახვაზე? მართალი ხარ, გაგახსენდება ღვთის დაპირება, რომ აღარასოდეს გაანადგურებს ქვეყნიერებას წარღვნით.

გაიგეთ მეტი

„ნოე და კიდევ შვიდი კაცი გადარჩნენ“

როგორ გადაურჩნენ ნოე და მისი ოჯახი კაცობრიობის ისტორიის ყველაზე რთულ პერიოდს?