წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

ბიბლიური მოთხრობები

 მოთხრობა 5

ცხოვრება გართულდა

ცხოვრება გართულდა

ედემის ბაღის გარეთ ადამსა და ევას ცხოვრება გაუჭირდათ. საკვების მოსაპოვებლად მათ მძიმედ უნდა ეშრომათ. გარშემო ლამაზი, ნაყოფის მომცემი ხეების ნაცვლად ნარ-ეკალი იზრდებოდა. აი ასე ძვირად დაუჯდათ ადამსა და ევას ურჩობა და ღმერთთან მეგობრობის გაწყვეტა.

მაგრამ ყველაზე სამწუხარო ის იყო, რომ ადამი და ევა მარადიულად აღარ იცოცხლებდნენ. გაიხსენე, ღმერთმა გააფრთხილა ისინი, რომ მოკვდებოდნენ, თუ აკრძალული ხის ნაყოფს შეჭამდნენ. იმ დღიდან, როცა ნაყოფი შეჭამეს, ადამი და ევა სიკვდილის გზას დაადგნენ. რა უგუნურად მოიქცნენ ისინი, რომ ღმერთს არ დაუჯერეს!

ადამსა და ევას შვილები მას შემდეგ ეყოლათ, რაც ღმერთმა ედემის ბაღიდან გაყარა. ასე რომ, ისინიც დაბერდებოდნენ და მოკვდებოდნენ.

იეჰოვას რომ დამორჩილებოდნენ, ადამი და ევაც ბედნიერები იქნებოდნენ და მათი შვილებიც. ისინი მარადიულად და ბედნიერად იცხოვრებდნენ დედამიწაზე. არავინ დაბერდებოდა, ავად არ გახდებოდა და არ მოკვდებოდა.

ღმერთს სურს, რომ ადამიანებმა მარადიულად და ბედნიერად იცხოვრონ და გვპირდება, რომ ეს ასეც იქნება. დედამიწა გალამაზდება, ადამიანები კი გამოჯანმრთელდებიან. ყველანი ერთმანეთისა და ღვთის კარგი მეგობრები გახდებიან.

ევა აღარ იყო ღვთის მეგობარი, ამიტომ ძლიერი ტკივილების გამო გაუჭირდა ბავშვების გაჩენა. უეჭველია, იეჰოვასადმი ურჩობამ ევას მრავალი სადარდებელი გაუჩინა.

ადამსა და ევას ბევრი შვილი ეყოლათ. პირველ ვაჟს მათ კაენი დაარქვეს, მეორე ვაჟს კი — აბელი. იცი, რა გადახდა მათ?