როგორ გაჩნდა ცა და დედამიწა? როგორ გაჩნდა მზე, მთვარე, ვარსკვლავები და დედამიწაზე მრავალი რამ? სწორ პასუხს ბიბლიიდან ვიგებთ. ბიბლიაში წერია, რომ ისინი ღმერთმა შექმნა. ჩვენს წიგნს შემოქმედების შესახებ მოთხრობებით დავიწყებთ.

ჩვენ გავიგებთ, რომ პირველად ღმერთმა შექმნა თავისი მსგავსი სულიერი ქმნილებები, ანგელოზები. შემდეგ მან დედამიწა ადამიანებისთვის შექმნა და პირველი კაცი და ქალი, ადამი და ევა, ულამაზეს ბაღში დაასახლა. მაგრამ ისინი ეურჩნენ ღმერთს და დაკარგეს მარადიული სიცოცხლე.

ადამის შექმნიდან წარღვნამდე 1 656 წელი გავიდა. ამ ხნის განმავლობაში უამრავი ბოროტი ადამიანი ცხოვრობდა. ზეცაში იყვნენ უხილავი ბოროტი ქმნილებები, სატანა და მისი ანგელოზები, დედამიწაზე კი  — კაენი და სხვა ბოროტი ადამიანები, რომელთაგან ზოგი უჩვეულოდ ძლიერი იყო. თუმცა ცხოვრობდნენ კარგი ადამიანებიც — აბელი, ენოქი და ნოე. პირველ ნაწილში წავიკითხავთ ყველა ამ ადამიანსა და მოვლენაზე.