წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

თქვენი ოჯახის ბედნიერება თქვენს ხელთაა!

 ნაწილი 1

ბედნიერი ქორწინების წყარო ღმერთია

ბედნიერი ქორწინების წყარო ღმერთია

„შემოქმედმა დასაწყისში კაცად და ქალად შექმნა ისინი“ (მათე 19:4).

პირველ ქორწინებას იეჰოვა * ღმერთმა მისცა დასაბამი. ბიბლია მოგვითხრობს, რომ პირველი ქალი შემოქმედმა შექმნა და ის „კაცს მიუყვანა“. ამან ადამი იმდენად აღაფრთოვანა, რომ ეს სიტყვები წარმოთქვა: „აი ძვალი ჩემი ძვალთაგანი და ხორცი ჩემი ხორცთაგანი“ (დაბადება 2:22, 23). იეჰოვას დღესაც სურს, რომ შეუღლებულნი ბედნიერნი იყვნენ.

როდესაც ოჯახს ქმნიდით, ალბათ ფიქრობდით, რომ ყველაფერი კარგად აგეწყობოდათ. თუმცა რეალობა გვიჩვენებს, რომ მოსიყვარულე ცოლ-ქმარიც კი არაა დაზღვეული პრობლემებისგან (1 კორინთელები 7:28). ამ ბროშურაში გაეცნობით ბიბლიურ პრინციპებს, რომელთა გამოყენების შემთხვევაში თქვენს ოჯახში ბედნიერება დაისადგურებს (ფსალმუნი 19:8—11).

 1 გაითავისეთ იეჰოვას მიერ ბოძებული როლი

ბიბლიის თვალსაზრისი: ქმარი ოჯახის თავია (ეფესოელები 5:23).

ქმრებო, იეჰოვა მოელის, რომ სიყვარულით იზრუნებთ თქვენს ცოლებზე (1 პეტრე 3:7). ღმერთმა ცოლი ქმრის შემავსებლად შექმნა და სურს, რომ ქმარი მას პატივისცემითა და სიყვარულით ეპყრობოდეს (დაბადება 2:18). ქმრებო, ისე უნდა გიყვარდეთ ცოლები, რომ მათი ინტერესები თქვენსაზე წინ დააყენოთ (ეფესოელები 5:25—29).

ცოლებო, იეჰოვა მოელის, რომ ქმრებისადმი ღრმა პატივისცემას გამოავლენთ, რითაც მათ ხელს შეუწყობთ, რომ ღირსეულად გაართვან თავი მათზე დაკისრებულ როლს (1 კორინთელები 11:3; ეფესოელები 5:33). მხარი დაუჭირეთ მეუღლის გადაწყვეტილებებს და მთელი გულით დაუდექით გვერდში (კოლოსელები 3:18). თუ ამ რჩევებს გაითვალისწინებთ, თქვენი ქმრისთვისაც ძვირფასნი იქნებით და იეჰოვასთვისაც (1 პეტრე 3:1—6).

როგორ უნდა მოიქცეთ:

  • ჰკითხეთ თქვენი ცხოვრების თანამგზავრს, რის გაკეთება გმართებთ, რომ უკეთესი მეუღლე გახდეთ. მოუსმინეთ ყურადღებით და ყოველი ღონე იხმარეთ, რათა გაუმჯობესდეთ.

  • იყავით მომთმენი. დროა საჭირო იმის სასწავლად, თუ როგორ მიანიჭოთ ბედნიერება ერთურთს.

2 გაუფრთხილდით ერთმანეთის გრძნობებს

ბიბლიის თვალსაზრისი: თქვენ უნდა იზრუნოთ მეუღლის კეთილდღეობაზე (ფილიპელები 2:3, 4). სათუთად მოეპყარით თქვენს მეუღლეს; გახსოვდეთ, იეჰოვა თავის მსახურთაგან მოითხოვს, რომ ყველასთან თავაზიანები იყვნენ (2 ტიმოთე 2:24). ბიბლიაში ვკითხულობთ: „დაუფიქრებელი ლაპარაკი მახვილივით ჭრის, ბრძენის ენა კი კურნავს“. ასე რომ, დიდი სიფრთხილით შეარჩიეთ სიტყვები (იგავები 12:18). იეჰოვას სული დაგეხმარებათ, რომ თქვენი ბაგიდან სიკეთე და სიყვარული იღვრებოდეს (გალატელები 5:22, 23; კოლოსელები 4:6).

როგორ უნდა მოიქცეთ:

  • მეუღლესთან სერიოზულ საკითხებზე საუბრის დაწყებამდე ილოცეთ, რათა შეინარჩუნოთ სიმშვიდე და გონიერება.

  • კარგად დაფიქრდით, რას და როგორ იტყვით.

 3 თქვენ ერთი გუნდი ხართ

ბიბლიის თვალსაზრისი: დაქორწინების შემდეგ თქვენ და თქვენი მეუღლე „ერთი ხორცი“ გახდით (მათე 19:5). ამის მიუხედავად, თქვენ მაინც განსხვავდებით ერთმანეთისგან და ლოგიკურია, რომ სხვადასხვა საკითხზე განსხვავებული თვალსაზრისი გექნებათ. აქედან გამომდინარე, შრომა და გარჯაა საჭირო იმისათვის, რომ ერთსულოვანნი და ერთი აზრისანი იყოთ (ფილიპელები 2:2). გადაწყვეტილებების მიღებისას ერთსულოვნება უაღრესად მნიშვნელოვანია. ბიბლიაში ნათქვამია: „გეგმები რჩევით განმტკიცდება“ (იგავები 20:18). მნიშვნელოვანი გადაწყვეტილებების მიღებისას იხელმძღვანელეთ ბიბლიური პრინციპებით (იგავები 8:32, 33).

როგორ უნდა მოიქცეთ:

  • მეუღლესთან საუბრის დროს მხოლოდ ინფორმაციის გადაცემითა და საკუთარი შეხედულებების დაფიქსირებით ნუ შემოიფარგლებით; ესაუბრეთ მას თქვენს გრძნობებზე.

  • მნიშვნელოვანი გადაწყვეტილების მიღებამდე ჯერ მეუღლეს შეუთანხმდით.

^ აბზ. 4 ბიბლიის თანახმად, იეჰოვა ღვთის სახელია.

გაიგეთ მეტი

ქმრებო, სუფევს თქვენს ოჯახში სიმყუდროვე?

ოჯახი შეიძლება ფინანსურად უზრუნველყოფილი იყოს, მაგრამ უფრო მნიშვნელოვანი რამ აკლდეს.

შეიძლება იყოს ბიბლია ბედნიერი ოჯახური ცხოვრების გასაღები?

ამ 5 ბრძნული ბიბლიური რჩევის წყალობით მილიონობით მამაკაცმა თუ ქალმა შეძლო, შეექმნათ ბედნიერი ოჯახი.