წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

პასუხები ახალგაზრდების 10 კითხვაზე

 კითხვა 7

როგორ მოვიქცე, თუ სექსს მთავაზობენ?

როგორ მოვიქცე, თუ სექსს მთავაზობენ?

რატომ ღირს დაფიქრება

ამ საკითხთან დაკავშირებით შენ მიერ მიღებული გადაწყვეტილება დიდ გავლენას იქონიებს შენს მომავალზე.

როგორ მოიქცეოდი?

წარმოიდგინე, რომ ერთი გოგონა, პირობითად სარა, სულ რაღაც, ორი თვეა, რაც მაიკს ხვდება, მაგრამ ისეთი გრძნობა აქვს, თითქოს მთელი ცხოვრება იცნობს. ისინი გამუდმებით უგზავნიან ერთმანეთს მესიჯებს, საათობით ლაპარაკობენ ტელეფონზე და, შეიძლება ითქვას, უკვე უსიტყვოდ უგებენ ერთმანეთს. მაგრამ მაიკს მხოლოდ საუბარი აღარ აკმაყოფილებს.

ორი თვის განმავლობაში მაიკი და სარა ხელიხელჩაკიდებული დადიოდნენ და მხოლოდ კოცნით შემოიფარგლებოდნენ. სარას არ სურს ღრმად შეტოპვა, თუმცა არც მაიკის დაკარგვა უნდა. ის ერთადერთია, ვინც მას თავს „მაგარ გოგოდ“ აგრძნობინებს. თანაც, სარა საკუთარ თავს არწმუნებს, რომ მას და მაიკს ძალიან უყვართ ერთმანეთი.

სარას ადგილას რომ ყოფილიყავი, როგორ მოიქცეოდი?

შეჩერდი და დაფიქრდი!

სქესობრივი ურთიერთობა ღვთის ძღვენია, რომელიც მან მხოლოდ დაქორწინებულებს უბოძა. ამიტომ ქორწინებამდე სექსი შეურაცხყოფს ამ ძღვენს. ეს იმის მსგავსია, ვიღაცამ ძვირფასი ტანსაცმელი გაჩუქოს, შენ კი ჩვრად გამოიყენო

ადამიანს ზნეობრივი ნორმების დარღვევა შეიძლება ისევე ძვირად დაუჯდეს, როგორც მიზიდულობის კანონის უგულებელყოფა. მაგალითად, ბიბლიაში ასეთი კანონია ჩაწერილი: „მოერიდეთ სიძვას“ (1 თესალონიკელები 4:3).

რა შედეგები მოჰყვება ამ კანონის უგულებელყოფას? ბიბლიაში ნათქვამია: „ვინც მეძაობს, საკუთარი სხეულის წინააღმდეგ სცოდავს“ (1 კორინთელები 6:18). სიმართლეს შეესაბამება ეს განაცხადი?

 დაკვირვებებმა ცხადყო, რომ იმ ახალგაზრდებს, რომლებსაც ქორწინებამდე ერთხელ მაინც ჰქონიათ სექსი, ისეთი უარყოფითი გრძნობები ტანჯავთ, როგორიცაა:

  • სინანული. იმ ახალგაზრდების უმეტესობა, რომელთაც ქორწინებამდე ჰქონდათ სქესობრივი კავშირი, ძალიან ნანობს თავის საქციელს.

  • უნდობლობა. სექსის შემდეგ თითოეულს ისეთი განცდა ეუფლება, რომ მისი პარტნიორისთვის ის არც პირველია იყო და არც — უკანასკნელი.

  • იმედგაცრუება. გულის სიღრმეში ბევრი გოგო ოცნებობს ისეთ ბიჭზე, რომელიც დაიცავს მას და უხეშად არ მოეპყრობა. სინამდვილეში, ბევრი ბიჭი ინტერესს კარგავს იმ გოგოს მიმართ, რომელთანაც სექსი ჰქონდა.

  • დასკვნა: ფაქტია, თუ ქორწინებამდე გექნება სქესობრივი კავშირი, ამით ფეხქვეშ გათელავ საკუთარ ღირსებას (რომაელები 1:24). შენი სხეული ძალიან ძვირფასია, ამიტომ გაუფრთხილდი მას!

დაამტკიცე, რომ ძლიერი პიროვნება ხარ და შეგიძლია დაემორჩილო ბიბლიაში ჩაწერილ შემდეგ კანონს: „მოერიდეთ სიძვას“ (1 თესალონიკელები 4:3). თუ ერთ მშვენიერ დღეს ოჯახს შექმნი, მაშინ ყოველგვარი სინდისის ქენჯნისა და სინანულის გარეშე გექნება სქესობრივი ურთიერთობა შენს მეუღლესთან (იგავები 7:22, 23; 1 კორინთელები 7:3).

 რას ფიქრობ?

  • განა მოგაყენებს ოდესმე ემოციურ ტკივილს ან ფიზიკურ შეურაცხყოფას ის, ვისაც ნამდვილად უყვარხარ?

  • განა შეუქმნის საფრთხეს ღმერთთან შენს ურთიერთობას ის, ვინც ნამდვილად ზრუნავს შენზე? (ებრაელები 13:4).