წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

საგუშაგო კოშკი დეკემბერი 2015

 მთავარი თემა | თქვენ შეგიძლიათ ბიბლიის გაგება!

რატომ უნდა გავეცნოთ ბიბლიას?

რატომ უნდა გავეცნოთ ბიბლიას?

„ბიბლია საყოველთაოდ ცნობილი რელიგიური წიგნია, მაგრამ ჩინელებისთვის ის უცხო და ნაკლებად ღირებულია“ (ლინი, ჩინეთი).

„ინდუსთა წმინდა წიგნების ვერაფერი გამიგია და ბიბლიას როგორღა გავიგებ?“ (ემიტი, ინდოეთი).

„ბიბლიას, როგორც უძველეს წიგნს, ძალიან ვაფასებ. ვიცი, ეს წიგნი ბესტსელერია, მაგრამ პირადად მე ხელში არასდროს ჩამვარდნია“ (იუმიკო, იაპონია).

ბიბლია მსოფლიოში აღიარებული წიგნია, მაგრამ ცოტა თუ იცნობს მის შინაარსს. ბიბლია არა მარტო აზიის ქვეყნებში მცხოვრები მილიონებისთვისაა უცხო, არამედ იმ ქვეყნებში მცხოვრებთათვისაც, სადაც ბიბლია საკმაოდ გავრცელებული წიგნია.

თუმცა შეიძლება იკითხოთ: „რატომ უნდა გავეცნო ბიბლიას?“. ამ წმინდა წიგნის ახლოს გაცნობა დაგეხმარებათ:

  • პოვოთ ბედნიერება და კმაყოფილება

  • თავი გაართვათ პრობლემებს

  • გაუმკლავდეთ საწუხარს

  • გქონდეთ სხვებთან კარგი ურთიერთობა

  • ისწავლოთ ფულის ყაირათიანად ხარჯვა

სწორედ ასე მოხდა იოშიკოს შემთხვევაში, რომელიც იაპონიაში ცხოვრობს. მას აინტერესებდა, რა ეწერა ამ წიგნში და მისი წაკითხვა გადაწყვიტა. თავის შთაბეჭდილებებს ის ასე გადმოგვცემს: „ბიბლიამ სიცოცხლის აზრი და მომავლის იმედი მაპოვნინა. ამ წიგნმა შინაგანი სიცარიელე შემივსო“. ბიბლიის გამოკვლევა ზემოხსენებულმა ემიტიმაც გადაწყვიტა. ის ამბობს: „გაოცებული დავრჩი, თურმე რა პრაქტიკული წიგნი ყოფილა ბიბლია ყველასთვის“.

ბიბლიამ მილიონების ცხოვრება უკეთესობისკენ შეცვალა. თქვენც აიღეთ ეს წიგნი ხელში, გულდასმით გამოიკვლიეთ და თავად დარწმუნდით, რომ ის მართლაც უნიკალური და პრაქტიკული წიგნია.