არჩეულ მასალაზე გადასვლა

დამატებით მენიუზე გადასვლა

სარჩევზე გადასვლა

იეჰოვას მოწმეები

ქართული

საგუშაგო კოშკი  |  ნოემბერი 2015

 მთავარი თემა

როგორ უყურებს ღმერთი ომს?

როგორ უყურებს ღმერთი ომს?

თქვენ როგორ უპასუხებდით ამ შეკითხვას? ბევრი ფიქრობს, რომ ღმერთი იწონებს ომებს. ამის მიზეზად კი ის ფაქტი მოჰყავთ, რომ წარსულში ღმერთი თავის ზოგიერთ თაყვანისმცემელს ომისკენ მოუწოდებდა, რასაც არც ბიბლია უარყოფს. სხვები განსხვავებულად ფიქრობენ და ამბობენ, რომ ღვთის ძე, იესო, თავის მიმდევრებს ასწავლიდა, ჰყვარებოდათ მტრები (მათე 5:43, 44). მათი მსჯელობით, ღმერთმა თვალსაზრისი შეიცვალა და დღეს უკვე აღარ იწონებს ომს.

თქვენ რას ფიქრობთ? იწონებს ღმერთი საომარ მოქმედებებს? თუ დიახ, ვის მხარეს იკავებს დღევანდელ კონფლიქტებში? ამ კითხვებზე პასუხებმა შეიძლება სრულიად შეცვალოს ომთან დაკავშირებით თქვენი შეხედულება. მაგალითად, თუ გეცოდინებოდათ, რომ ღმერთი არათუ იწონებს ომს, არამედ თქვენ მხარესაა, ალბათ, გაგიხარდებოდათ და გამარჯვების რწმენაც შეგემატებოდათ. მეორე მხრივ, რას იგრძნობდით იმ შემთხვევაში, თუ გაიგებდით, რომ ღმერთი მოწინააღმდეგე მხარეს ემხრობა? არსებობს იმის დიდი ალბათობა, რომ ამ საკითხზე შეხედულება შეგცვლოდათ.

თუმცა ეს საკითხი უფრო სერიოზულ ყურადღებას იმსახურებს. ომზე ღვთის თვალსაზრისის გაგებამ შესაძლოა ღმერთზე შეგიცვალოთ შეხედულება. თუ თქვენც იმ მილიონებს შორის ხართ, რომელთაც ომმა თავისი დაღი დაასვა, უდავოდ ისურვებდით შემდეგ კითხვაზე პასუხის მიღებას: ღმერთი დგას ომებისა და ომებით გამოწვეული ტანჯვის უკან, თუ ის შორიდან უყურებს ამ ყველაფერს და საერთოდ არ ანაღვლებს ჩაგრულთა ბედი?

შეიძლება გაგაოცოთ იმის გაგებამ, თუ რამდენად განსხვავდება ამ საკითხთან დაკავშირებით ბიბლიური პასუხები ზემოხსენებული აზრებისგან. უფრო მეტიც, უძველესი დროიდან მოყოლებული ღვთის შეხედულება ომზე დღემდე არ შეცვლილა. მოდი, ბიბლიიდან გავიგოთ, რა თვალსაზრისი ჰქონდა ომზე ღმერთს ძველ დროში და იესოს დედამიწაზე ცხოვრების დროს, პირველ საუკუნეში. ამგვარად გავიგებთ, როგორ უყურებს ღმერთი დღეს წარმოებულ ომებს და მუდმივად იქნება თუ არა ომი კაცობრიობის განუყოფელი ნაწილი.