წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

საგუშაგო კოშკი სექტემბერი 2015

 მთავარი თემა | ვინ არიან იეჰოვას მოწმეები?

როგორ ფინანსდება ჩვენი საქმიანობა?

როგორ ფინანსდება ჩვენი საქმიანობა?

ყოველ წელს ჩვენ ვბეჭდავთ და ვავრცელებთ ასობით მილიონ ბიბლიასა და მასზე დაფუძნებულ ლიტერატურას. მთელ მსოფლიოში ვაშენებთ ფილიალებსა და სტამბებს. ათობით ათასი კრება იკრიბება თაყვანისმცემლობისთვის განკუთვნილ მოკრძალებულ, თუმცა ლამაზ შენობებში, რომლებსაც „სამეფო დარბაზებს“ ვუწოდებთ. საინტერესოა, ვინ აფინანსებს ამ ყოველივეს?

ჩვენი საქმიანობა მთლიანად ნებაყოფლობითი შესაწირავებით ხორციელდება (2 კორინთელები 9:7). 1879 წელს ამ ჟურნალის მეორე ნომერში აღნიშნული იყო: «ჩვენ გვჯერა, რომ იეჰოვა უჭერს მხარს „სიონის საგუშაგო კოშკის“ [ასე უწოდებდნენ მაშინ ამ ჟურნალს] გამოცემას. ამიტომ არასოდეს ვთხოვთ ადამიანებს ფინანსურ დახმარებას». ჩვენ დღემდე ამ კურსს მივყვებით.

შესაწირავები ან უშუალოდ ფილიალებში იგზავნება, ან იყრება ადგილობრივ სამეფო დარბაზებში არსებულ შესაწირავების ყუთში. ჩვენთან არ ხდება საეკლესიო გადასახადის გადახდა და ფულის აგროვება; ჩვენ არც მსახურებაში ვიღებთ ფულს და არც პუბლიკაციებში. ჩვენ ფულს არ გვიხდიან ქადაგებაში, კრების შეხვედრებზე თემით გამოსვლისას და არც მაშინ, როცა თაყვანისმცემლობისთვის განკუთვნილ შენობებს ვაშენებთ. იესომ თქვა: „უსასყიდლოდ გაქვთ მიღებული და უსასყიდლოდვე გაეცით“ (მათე 10:8). ჩვენს ფილიალებში თუ მთავარ სამმართველოში მომსახურე ყველა მოხალისე, მათ შორის იეჰოვას მოწმეების ხელმძღვანელი საბჭოს წევრები, რელიგიურ გაერთიანებას მიეკუთვნებიან, რომლებსაც ხელფასს არ უხდიან.

„იეჰოვას მოწმეების ყველა საქმიანობა, მათ შორის ფინანსური მხარდაჭერა, ხორციელდება ნებაყოფლობით. თითოეული მათგანი პირადად წყვეტს, რამდენად ხშირად და რა რაოდენობის თანხა გაიღოს შესაწირავის სახით“. (ადამიანის უფლებათა ევროპული სასამართლო, 2011)

შემოწირული თანხა აგრეთვე ხმარდება სტიქიური უბედურებების დროს დაზარალებულთა დახმარებას. პირველ საუკუნეში ქრისტიანები სიამოვნებით ეხმარებოდნენ გაჭირვებაში ჩაცვენილ და-ძმებს (რომაელები 15:26). მათ მსგავსად, ჩვენც ვამარაგებთ დაზარალებულებს საკვებით, ტანსაცმლითა და მედიკამენტებით. გარდა ამისა, თანაქრისტიანებს დანგრეული სახლებისა და თაყვანისმცემლობის ადგილების აღდგენაში ვეხმარებით.

გაიგეთ მეტი

როგორ შეგვიძლია დავეხმაროთ სხვებს?

წაიკითხეთ, როგორ ეხმარებიან დაზარალებულებს სულიერად და ფიზიკურად იეჰოვას მოწმეების მსოფლიო სამქადაგებლო საქმიანობისთვის გაღებული შესაწირავებით.