არჩეულ მასალაზე გადასვლა

დამატებით მენიუზე გადასვლა

სარჩევზე გადასვლა

იეჰოვას მოწმეები

ქართული

საგუშაგო კოშკი  |  სექტემბერი 2015

 მთავარი თემა | ვინ არიან იეჰოვას მოწმეები?

ვინ არიან იეჰოვას მოწმეები?

ვინ არიან იეჰოვას მოწმეები?

ჩვენ ვართ სხვა რელიგიებისგან დამოუკიდებელი საერთაშორისო ორგანიზაცია. ჩვენი მთავარი სამმართველო შეერთებულ შტატებში მდებარეობს, თუმცა იეჰოვას მოწმეების დიდი უმეტესობა სხვა ქვეყნებში ცხოვრობს. დაახლოებით რვა მილიონი იეჰოვას მოწმე ბიბლიას ვასწავლით 230-ზე მეტ ქვეყანაში მცხოვრებ ადამიანებს, რითაც ვასრულებთ იესოს სიტყვებს: „ამ სასიხარულო ცნობას სამეფოს შესახებ იქადაგებენ მთელ მსოფლიოში ყველა ხალხისთვის დასამოწმებლად“ (მათე 24:14).

იეჰოვას მოწმეები ყველგან, სადაც უნდა ვცხოვრობდეთ, კანონმორჩილი მოქალაქეები ვართ, თუმცა პოლიტიკურად ნეიტრალურები ვრჩებით. და ეს იმიტომ, რომ ვითვალისწინებთ ქრისტიანებისთვის ნათქვამ იესოს სიტყვებს: „ქვეყნიერების ნაწილი არა ხართ“. აქედან გამომდინარე, არანაირ მონაწილეობას არ ვღებულობთ პოლიტიკაში და საომარ მოქმედებებში (იოანე 15:19; 17:16). მეორე მსოფლიო ომის დროს იეჰოვას მოწმეებს აპატიმრებდნენ, აწამებდნენ და კლავდნენ იმის გამო, რომ კომპრომისზე არ მიდიოდნენ. ერთმა ყოფილმა გერმანელმა ეპისკოპოსმა იეჰოვას მოწმეების შესახებ დაწერა: „მხოლოდ მათ შეუძლიათ იმის თქმა, რომ ისინი ერთადერთნი იყვნენ, რომლებიც რელიგიური მრწამსის გამო მხარს არ უჭერდნენ მესამე რაიხს“.

„[იეჰოვას მოწმეები] მაღალი ზნეობით გამოირჩევიან. შეგვეძლო ამ უანგარო ხალხისთვის მაღალი პოლიტიკური თანამდებობები შეგვეთავაზებინა, მაგრამ ამაზე ისინი არასოდეს დათანხმდებიან ... ისინი აღიარებენ სახელმწიფოს ძალაუფლებას, მაგრამ სწამთ, რომ კაცობრიობის პრობლემების გადაჭრა მხოლოდ ღვთის სამეფოს ძალუძს“.

მართალია, პოლიტიკაში არ ვერევით, მაგრამ ეს იმას არ ნიშნავს, რომ საზოგადოებისგან იზოლირებულნი ვართ. იესომ ლოცვაში ღმერთს თავის მიმდევრებზე სთხოვა: „იმას არ გთხოვ, ქვეყნიერებიდან წაიყვანო ისინი“ (იოანე 17:15). ამიტომ ჩვენი ნახვა ყველგან შეგიძლიათ, მაგალითად, ქუჩაში ან მაღაზიაში; ჩვენ შეიძლება თქვენი თანამშრომლებიც კი ვიყოთ ან ერთ სასწავლებელში ვსწავლობდეთ.