წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

საგუშაგო კოშკი აგვისტო 2013

პასუხები ბიბლიურ კითხვებზე

პასუხები ბიბლიურ კითხვებზე

ისმენს ღმერთი ყველა ლოცვას?

ღმერთი ყველა ეროვნების ადამიანს უსმენს (ფსალმუნი 145:18, 19). ბიბლია მოგვიწოდებს, რომ ღმერთს ველაპარაკოთ ნებისმიერ საკითხზე, რაც კი გვაწუხებს (ფილიპელები 4:6, 7). თუმცა ზოგ ლოცვას ღმერთი არ იწონებს. მაგალითად, როცა ლოცვის დროს ადამიანი ერთსა და იმავე დაზეპირებულ სიტყვებს იმეორებს, ღმერთი ასეთ ლოცვებს არ ისმენს (წაიკითხეთ მათეს 6:7).

იეჰოვა აგრეთვე არ იწონებს იმ ადამიანების ლოცვებს, რომლებიც შეგნებულად უგულებელყოფენ მის კანონებს (იგავები 28:9). მაგალითად, ბიბლიურ დროში ღმერთმა ისრაელებს უთხრა, რომ არ მოისმენდა მათ ლოცვებს, რადგან ისინი მკვლელობაში იყვნენ დამნაშავეები. აშკარაა, ღმერთმა ჩვენი ლოცვები რომ მოისმინოს, უნდა ვიცოდეთ მისი მოთხოვნები (წაიკითხეთ ესაიას 1:15).

რა უნდა გავაკეთოთ, რომ ღმერთმა მოისმინოს ჩვენი ლოცვები?

რწმენის გარეშე შეუძლებელია ღმერთს ლოცვით მივმართოთ (იაკობი 1:5, 6). დარწმუნებული უნდა ვიყოთ, რომ ღმერთი არსებობს და ზრუნავს ჩვენზე. რწმენის გაძლიერება კი მხოლოდ ბიბლიის შესწავლით არის შესაძლებელი, რადგან ნამდვილი რწმენა ეფუძნება წმინდა წერილებში მოცემულ ფაქტებსა და მტკიცებულებებს (წაიკითხეთ ებრაელების 11:1, 6).

ჩვენს ლოცვებში გულწრფელობა და თავმდაბლობა უნდა ჩანდეს. თვით ღვთის ძე, იესოც კი თავმდაბლურად მიმართავდა ღმერთს ლოცვით (ლუკა 22:41, 42). ამიტომ, ღმერთმა რომ მოგვისმინოს, უნდა გავიგოთ, რა არის მისი მოთხოვნები, რაშიც ბიბლიის კითხვა დაგვეხმარება. მხოლოდ ამის შემდეგ იქნება ჩვენი ლოცვები ღვთის ნების შესაბამისი (წაიკითხეთ 1 იოანეს 5:14).

გაიგეთ მეტი

დაუახლოვდი ღმერთს ლოცვის მეშვეობით

ისმენს ღმერთი ჩვენს ლოცვებს? ამ კითხვაზე პასუხის მისაღებად უნდა გაიგო ღვთის თვალსაზრისი ლოცვასთან დაკავშირებით.