წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

საგუშაგო კოშკი თებერვალი 2013

 მთავარი თემა

ვინ იყო მოსე?

ვინ იყო მოსე?

ვინ გახსენდებათ, როცა გესმით სახელი მოსე?

  • პატარა ბავშვი, რომელიც დედამ კალათაში ჩასვა და მდინარე ნილოსში გაუშვა?
  • ფარაონის ქალიშვილის მიერ ეგვიპტის კარზე ფუფუნებაში გაზრდილი ბიჭი, რომელსაც არასოდეს დავიწყებია, რომ ებრაელი იყო?
  • კაცი, რომელიც მიდიანში 40 წელი ცხვარს მწყემსავდა?
  • კაცი, რომელსაც იეჰოვა * პირისპირ ელაპარაკა ალმოდებული ბუჩქიდან?
  • კაცი, რომელიც ეგვიპტის ფარაონის წინაშე წარსდგა და გაბედულად მოსთხოვა ისრაელების ტყვეობიდან გათავისუფლება?
  • კაცი, რომელმაც ღვთის მითითებით 10 სასჯელი მოუვლინა ეგვიპტის ფარაონსა და მთელ ეგვიპტეს?
  • კაცი, რომელმაც დიდებული სახით გამოიყვანა ისრაელები ეგვიპტიდან?
  • კაცი, რომელმაც წითელი ზღვა შუაზე გაყო?
  • კაცი, რომელმაც ისრაელებს ღვთისგან მიღებული ათი მცნება გადასცა?

ეს ყველაფერი ნამდვილად მოხდა მოსეს ცხოვრებაში. გასაკვირი არაა, თუ რატომ სცემენ უდიდეს პატივს ამ ღვთის ერთგულ კაცს როგორც ებრაელები, ისე ქრისტიანები და მუსლიმანები.

ჭეშმარიტად, მოსე იყო წინასწარმეტყველი, რომელმაც, როგორც ბიბლია ამბობს, „თავზარდამცემი საქმეები“ მოიმოქმედა (კანონი 34:10—12). ღმერთმა მისი ხელით არაერთი ძლევამოსილი საქმე გააკეთა; არადა მოსე ერთი ჩვეულებრივი ადამიანი იყო. წინასწარმეტყველ ელიას მსგავსად, რომელიც მოსესთან ერთად იესოს ხილვაში ეჩვენა დედამიწაზე მსახურების დროს, მოსეც „ჩვენნაირი გრძნობების მქონე კაცი იყო“ (იაკობი 5:17; მათე 17:1—9). მოსე ბევრ ისეთ პრობლემას შეხვდა, რომელიც არც ჩვენთვის არის უცხო, მაგრამ ყველა მათგანს თავი წარმატებით გაართვა.

გნებავთ გაიგოთ, როგორ შეძლო მან ეს ყველაფერი? გამოვყოთ მოსეს სამი თვისება და ვნახოთ, რის სწავლა შეგვიძლია მისი მაგალითიდან.

^ აბზ. 7 იეჰოვა ღვთის სახელია, როგორც ეს ბიბლიიდან ჩანს.