არჩეულ მასალაზე გადასვლა

დამატებით მენიუზე გადასვლა

სარჩევზე გადასვლა

იეჰოვას მოწმეები

ქართული

საგუშაგო კოშკი  |  აგვისტო 2011

 ასწავლეთ შვილებს

რატომ უყვარდა ყველას ქურციკი?

რატომ უყვარდა ყველას ქურციკი?

ყველას სურს, რომ სხვებს უყვარდეთ. შენც გაქვს ამის სურვილი? ~ * ბიბლია მოგვითხრობს ერთი ქალის, ქურციკის შესახებ, რომელიც ყველას უყვარდა.

ქურციკი ცხოვრობდა ქალაქ იოპეში, რომელიც ხმელთაშუა ზღვასთან მდებარეობდა. იერუსალიმი იოპედან დაახლოებით 56 კილომეტრით იყო დაშორებული. ქურციკი იესოს ერთ-ერთი პირველი მოწაფე იყო.

როგორ ფიქრობ, რატომ უყვარდა ხალხს ქურციკი? ~ ბიბლიიდან ვიგებთ, რომ იგი ბევრ სიკეთეს უკეთებდა სხვებს. როგორც ჩანს, ქურციკი ქვრივებს ტანსაცმელს უკერავდა. იესოს მსგავსად, ისიც ხშირად ესაუბრებოდა სხვებს ჭეშმარიტ ღმერთზე, იეჰოვაზე.

იცი რა დაემართა ქურციკს? ~ ძალიან ცუდად გახდა და მოკვდა. ამ ამბავმა ყველა მისი მეგობარი ძალიან დაამწუხრა. ამიტომ, მათ რამდენიმე კაცი გაგზავნეს პეტრე მოციქულთან, რომელიც მათგან  16 კილომეტრში მსახურობდა. მათ შეუთვალეს პეტრეს, რომ სასწრაფოდ მისულიყო მათთან. მისვლისთანავე პეტრე ზემოთა ოთახში ავიდა, სადაც ქურციკი ესვენა. ქალები ტიროდნენ და ქურციკის შეკერილ ტანსაცმელს აჩვენებდნენ მას.

პეტრემ ყველას უთხრა, რომ ოთახი დაეტოვებინათ. პეტრესა და სხვა მოციქულებს მანამდეც ჰქონდათ სასწაულები მოხდენილი, მაგრამ მკვდარი არასდროს ჰყავდათ გაცოცხლებული. იცი, რა გააკეთა პეტრემ? ~

მიცვალებულის წინ პეტრემ მუხლი მოიყარა და იეჰოვას მიმართა ლოცვით. შემდეგ ცხედარს მიუბრუნდა და უთხრა, რომ ამდგარიყო. ქურციკი გაცოცხლდა! პეტრემ მას ხელი გაუწოდა და წამოაყენა. მან ქვრივებსა და სხვებს მოუხმო და ქურციკი ცოცხალი წარუდგინა. შეგიძლია წარმოიდგინო, როგორ გაუხარდებოდათ მათ მისი დანახვა? ~

ახლა დაფიქრდი იმაზე, თუ რისი სწავლა შეგიძლია ამ შემთხვევიდან. თუ სხვებს დახმარების ხელს გაუწვდი, სანაცვლოდ ბევრის სიყვარულს დაიმსახურებ. მაგრამ რაც ყველაზე მნიშვნელოვანია, შენ ეყვარები იეჰოვას და არასდროს დაგივიწყებს. ის არც შენს სიკეთეს დაივიწყებს, რომელსაც სხვების მიმართ ავლენ. ღმერთი გაკურთხებს და ახალ, სამართლიან ქვეყნიერებაში ბედნიერად და უსასრულოდ იცხოვრებ.

წაიკითხე შენს ბიბლიაში

^ აბზ. 3 ბავშვთან ამ სტატიის კითხვის დროს ტილდასთან პაუზა გააკეთეთ და მას თავისი აზრი გამოათქმევინეთ.