წვდომის პარამეტრები

Search

აირჩიეთ ენა

დამატებით მენიუზე გადასვლა

სარჩევზე გადასვლა

არჩეულ მასალაზე გადასვლა

იეჰოვას მოწმეები

ქართული

გამოიღვიძეთ! ივნისი 2015

 ბიბლიის თვალსაზრისი

მრუშობა

მრუშობა

მიუხედავად იმისა, რომ ცოლქმრული ერთგულება დიდად ფასობს, მრუშობა კვლავაც ხდება მრავალი ოჯახის დანგრევის მიზეზი.

რა არის მრუშობა?

რას ამბობს ხალხი:

ზოგ კულტურაში ქორწინების გარეშე სექსი, განსაკუთრებით ქმრის მხრიდან, დანაშაულად არ ითვლება. ზოგ კულტურაში კი ქორწინებას მუდმივ კავშირად არ მიიჩნევენ.

რას ამბობს ბიბლია:

ბიბლია მრუშობაში ძირითადად გულისხმობს ქორწინებაში მყოფი ადამიანის — როგორც კაცის, ისე ქალის — საკუთარი სურვილით სქესობრივ კავშირს მასთან, ვინც არ არის მისი მეუღლე (იობი 24:15; იგავები 30:20). ღვთის თვალში მრუშობა სისაძაგლეა. ძველ ისრაელში მრუშობისთვის სიკვდილით ისჯებოდნენ (ლევიანები 18:20, 22, 29). იესომ თავის მოწაფეებს უთხრა, რომ არ ემრუშათ (მათე 5:27, 28; ლუკა 18:18—20).

რატომ არის მნიშვნელოვანი:

მრუშობით ადამიანი მეუღლესთან ქორწინებისას დადებულ აღთქმას არღვევს. ეს აგრეთვე ღვთის წინაშე ჩადენილი ცოდვაა (დაბადება 39:7—9). მრუშობამ შეიძლება შვილები მშობლებს დააშოროს. გარდა ამისა, ბიბლია გვაფრთხილებს, რომ „მრუშებს ღმერთი გაასამართლებს“ (ებრაელები 13:4).

„ყველას ცოლქმრობა იყოს ღირსეული და ცოლქმრული სარეცელი შეუბილწავი“ (ებრაელები 13:4).

 ირღვევა მრუშობით ცოლქმრული კავშირი?

რას ამბობს ბიბლია:

ბიბლია უფლებას აძლევს ადამიანს, რომ შეწყვიტოს ცოლქმრული კავშირი მეუღლესთან, რომელმაც იმრუშა (მათე 19:9). ეს იმას ნიშნავს, რომ მრუშობის ჩადენის შემდეგ უდანაშაულო მეუღლეს აქვს უფლება, თავად გადაწყვიტოს, გაეყრება თუ არა თავის მეუღლეს. ეს მისი პირადი გადასაწყვეტია (გალატელები 6:5).

მეორე მხრივ, ღვთის თვალში ქორწინება მუდმივი და წმინდა კავშირია (1 კორინთელები 7:39). ღმერთს სძულს, როცა ადამიანი უმნიშვნელო მიზეზების გამო ეყრება მეუღლეს, მაგალითად, იმის გამო, რომ უბრალოდ უკმაყოფილოა მისით. ამიტომ, განქორწინება უმნიშვნელო მიზეზების გამო არ უნდა მოხდეს (მალაქია 2:16; მათე 19:3—6).

„მე კი გეუბნებით: ვინც ცოლს სიძვის მიზეზის გარეშე ეყრება, მას მრუშობის საბაბს აძლევს“ (მათე 5:32).

მიუტევებელი ცოდვაა მრუშობა?

რას ამბობს ბიბლია:

არა! ბიბლიიდან ვიგებთ, რომ ღმერთი წყალობას ავლენს მათ მიმართ, ვინც ინანიებს და წყვეტს ცოდვების ჩადენას, რაშიც მრუშობაც იგულისხმება (საქმეები 3:19; გალატელები 5:19—21). ბიბლიაში ვკითხულობთ იმ ადამიანების შემთხვევებს, რომლებმაც შეწყვიტეს მრუშობის ჩადენა და მოგვიანებით ღვთის მეგობრები გახდნენ (1 კორინთელები 6:9—11).

ღმერთმა წყალობა გამოავლინა ისრაელის მეფე დავითის მიმართ. დავითმა თავისი ჯარის ერთ-ერთი მეთაურის ცოლთან იმრუშა (2 სამუელი 11:2—4). ბიბლიიდან ნათლად ვხედავთ, რომ „არ მოეწონა იეჰოვას დავითის საქციელი“ (2 სამუელი 11:27). შეგონების შემდეგ დავითმა მოინანია და ღმერთმაც აპატია. თუმცა ის ვერ ასცდებოდა თავისი არასწორი საქციელის სავალალო შედეგებს (2 სამუელი 12:13, 14). ბრძენმა მეფე სოლომონმა თქვა: „ვინც . . . მრუშობს, უგუნურია“ (იგავები 6:32).

რის გაკეთება შეგიძლიათ:

თუ იმრუშეთ პატიება უნდა სთხოვოთ როგორც ღმერთს, ისე თქვენს მეუღლეს (ფსალმუნი 51:1—5). ღვთის მსგავსად შეიძულეთ მრუშობა (ფსალმუნი 97:10). მტკიცედ გადაწყვიტეთ, რომ მოერიდოთ პორნოგრაფიას, სექსუალურ ფანტაზიებს, ფლირტსა და ნებისმიერ რამეს, რაც საკუთარი მეუღლის გარდა სხვის მიმართ აღგიძრავდათ სექსუალურ სურვილებს (მათე 5:27, 28; იაკობი 1:14, 15).

თუ მეუღლემ გიღალატათ, დარწმუნებული იყავით, რომ ღმერთს ესმის თქვენი (მალაქია 2:13, 14). სთხოვეთ მას ნუგეში და ხელმძღვანელობა და „ის ამოგიდგებათ მხარში“ (ფსალმუნი 55:22). თუ გადაწყვეტთ, რომ აპატიოთ მეუღლეს და განაგრძოთ მასთან ცხოვრება, ორივე ყველანაირად უნდა შეეცადოთ, რომ კვლავ განამტკიცოთ ოჯახური კვანძები (ეფესოელები 4:32).

წინასწარმეტყველმა ნათანმა დავითს მონანიების შემდეგ უთხრა: „იეჰოვაც გვერდს აუვლის შენს ცოდვას“ (2 სამუელი 12:13).

გაიგეთ მეტი

უერთგულეთ ერთმანეთს

შეიძლება მოხდეს ისე, რომ არ მრუშობდეთ, მაგრამ მაინც არ ითქმოდეს თქვენზე, რომ ერთგული ხართ?

რა უნდა გააკეთოთ თქვენი ოჯახის ბედნიერებისთვის?

იეჰოვას, ბედნიერ ღმერთს სურს, რომ ოჯახები ბედნიერები იყვნენ. გაიგეთ რომელი ბიბლიური პრინციპები გამოადგებათ ქმრებს, ცოლებს, მშობლებს და შვილებს.